ហេតុតែស្អាតពីកំណើត ដល់តែងហ៊ីក៏តួថៃ Nuttanicha រឹតតែស្រស់ខ្លាំង គួរឲ្យលង់ស្នេហ៍

2018-12-19 07:55:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្តែងស្រីរាងតូចច្រឡឹងប្រចាំប៉ុស្តិ៍លេខ ៣ ថៃ Dungwattanawanich Nuttanicha បានគ្រងដំណែងជាតួឯកស្រីក្នុងរឿងភាគថៃថ្មី "ស្នេហ៍នាងហ៊ី" ហើយនាងបានតុបតែងខ្លួនជាតួហ៊ីតែម្ដង ដោយនេះបានធ្វើឲ្យទស្សនិកជនប្លែកភ្នែកខ្លាំងក្នុងរឿងមួយនេះ។

«ស្នេហ៍នាងហ៊ី» Nuttanicha បានចាប់ដៃគូសម្តែងរួមគ្នាជាមួយ Teeradetch និងមានការចូលរួមសម្តែងពីតារាល្បីៗទាំងជើងចាស់ និងជើងថ្មីជាច្រើនរូបទៀត។

រឿងភាគថៃខាងលើនេះតម្រូវអោយ Bua (Nuttanicha) ដើរតួជាកូនអ្នកក្រ និងរស់នៅក្នុងគ្រួសារអ្នកលេងហ៊ី តែឪពុកនាងមិនដែលបានការអនុញ្ញាតិឲ្យសម្តែងហ៊ីឡើយ។ ត្បិតអីឪពុកនាងធ្លាប់មានអតីតកាលជូរចត់ជាមួយភរិយាដែលជាអ្នកលេងហ៊ី។ បើទោះបីជាមានការរារាំងមិនឲ្យនាងសម្តែងហ៊ីយ៉ាងណាក៏ដោយ ប៉ុន្តែ Bua មានទេពកោសល្យក្នុងការសម្តែង។ ថ្ងៃមួយពេលដែលក្រុមសម្តែងរបស់ឪពុកនាងមិនមានអ្នកសម្តែង នាងក៏សុំឪពុកចូលរួមសម្តែង។ ការសម្តែងលើកទី១នាងក៏ទទួលបានការគាំទ្រយ៉ាងច្រើនពីអ្នកទស្សនា។

ចំណែក Chayut (Teeradetch) គឺជាកូនអ្នកមាននិងទើបតែត្រឡប់មកក្រៅប្រទេស ពួកគេទាំងពីរនាក់ (Chayut និង Bua) ក៏បានជួបគ្នាដោយចៃដន្យ និងបានលង់ស្រឡាញ់គ្នាទៅវិញទៅមក តែស្នេហារបស់ពួកគេត្រូវបានរារាំងដោយគ្រួសារទាំង២។ តើនឹងមានអ្វីកើតឡើងចំពោះពួកគេ? តើពួកគេនឹងតស៊ូចំពោះស្នេហាដោយវិធីណា?

សូមកុំភ្លេចរង់ចាំតាមដានទស្សនារឿង "ស្នេហ៍នាងហ៊ី" ដែលនឹងត្រូវចាក់ផ្សាយចាប់ពីថ្ងៃទី ១៩ ខែធ្នូ ឆ្នាំ២០១៨ រៀងរាល់ថ្ងៃចន្ទ-សុក្រ វេលាម៉ោង ៦:០០ល្ងាច បន្ទាប់ពីរឿង «ស្នេហ៍២ភព»៕ ទស្សនាឈុតខ្លីសូមចុច៖