ឡូយមែន! Bale ប្រើពេល១១នាទីធ្វើបាន Hat-Trick នាំ Real ឡើងវគ្គផ្ដាច់ព្រ័ត្រ Club World Cup
- 2018-12-20 01:10:53
- ចំនួនមតិ 0 | ចំនួនចែករំលែក 0
ឡូយមែន! Bale ប្រើពេល១១នាទីធ្វើបាន Hat-Trick នាំ Real ឡើងវគ្គផ្ដាច់ព្រ័ត្រ Club World Cup
ចន្លោះមិនឃើញ
អធិរាជស Real Madrid បានឡើងទៅកាន់វគ្គផ្ដាច់ព្រ័ត្រនៃព្រឹត្តិការណ៍ Fifa Club World Cup 2018បន្ទាប់ពីយកឈ្នះជើងខ្លាំងរបស់ជប៉ុន Kashima Antlers ៣-១ ដែល៣គ្រាប់របស់ Real ធ្វើបានដោយ Gareth Bale ប្រើចន្លោះពេល១១នាទី។
Gareth Bale រកបានគ្រាប់បាល់ដំបូងនៅនាទីទី៤៤ គ្រាប់ទី២ រកបានដោយនៅនាទីទី ៥៣ និងគ្រាប់ទី៣ រកបាននៅនាទីទី៥៥។ បីគ្រាប់របស់ខ្សែប្រយុទ្ធសញ្ជាតិវែលគឺស្ថិតក្នុងរយៈពេលតែ ១១ នាទីប៉ុណ្ណោះ។ ប៉ុន្តែមុនពេលបញ្ចប់ការប្រកួតក្រុមរបស់ជប៉ុន Kashima Antlers បានតដៃបានមួយគ្រាប់វិញនៅនាទីទី៧៨។ ចប់ការប្រកួត Kashima Antlers ចាញ់ Real Madrid ៣-១។
ក្រោយពេលរកបាន ៣គ្រាប់ខ្សែប្រយុទ្ធខាងលើ ត្រូវបានប្ដូរចេញនៅនាទីទី៦០ ដើម្បីត្រៀមសម្រាប់ការប្រកួតផ្ដាច់ព្រ័ត្រពាន Fifa Club World Cup 2018 នាថ្ងៃទី២២ ខែធ្នូ ឆ្នាំ២០១៨ ដែលត្រូវប៉ះក្រុម ក្រុមរបស់ម្ចាស់ផ្ទះ Al Ain វេលាម៉ោង ១១:៣០ នាទី។ Bale រកបាន ១០គ្រាប់ហើយ ឲ្យ Real Madrid សម្រាប់រដូវកាលនេះគិតគ្រប់ពានរង្វាន់៕
ទស្សនាវីដេអូ Highlights ខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
