សហព័ន្ធកីឡាមួយចំនួនអាចនឹងមិនមានមុខក្នុងស៊ីហ្គេម ២០២៣ ព្រោះហេតុផលនេះ...
- 2018-12-20 03:52:44
- ចំនួនមតិ 0 | ចំនួនចែករំលែក 0
សហព័ន្ធកីឡាមួយចំនួនអាចនឹងមិនមានមុខក្នុងស៊ីហ្គេម ២០២៣ ព្រោះហេតុផលនេះ...
ចន្លោះមិនឃើញ
អគ្គលេខាធិការ នៃគណៈកម្មាធិការជាតិអូឡាំពិកកម្ពុជា សម្រាប់សហព័ន្ធណាដែលមិនអាចធ្វើតាមផែនការ ក៏ដូចជាផែនការយុទ្ធសាស្ត្រដែលបានដាក់ជូន ជាពិសេសបន្ទាប់ពីឆ្លងកាត់វគ្គសិក្សាពីគ្រូជំនាញកីឡាកម្រិតខ្ពស់មកពីអាល្លឺម៉ង់ អាចនឹងត្រូវដាក់ឲ្យមានក្នុងស៊ីហ្គេម ២០២៣ ខាងមុខនេះ។
ឯកឧត្ដម វ៉ាត់ ចំរើន បានឲ្យដឹងថា វគ្គបណ្ដុះបណ្ដាលពិសេសស្ដីពីផែនការយុទ្ធសាស្ត្រអភិវឌ្ឍន៍កីឡាកម្រិតខ្ពស់ ដែលកំពុងសិក្សារាល់ថ្ងៃនេះពិតជាមានសារសំខាន់ខ្លាំងណាស់ ដល់សហព័ន្ធនានាក្នុងការអនុវត្តខ្លួនឲ្យទទួលបានគុណភាព និងជោគជ័យ។
ថ្នាក់ដឹកនាំកីឡាខាងលើនេះបន្ថែមទៀតថា វគ្គសិក្សានេះផ្ដោតសំខាន់ យុទ្ធសាស្ត្រកីឡាតែម្ដង ធ្វើឲ្យសហព័ន្ធ ឬអ្នកកីឡាត្រៀមខ្លួនយ៉ាងណាទើបអាចចូលរួមក្នុងព្រឹត្តិការធំៗបាន ឬការធ្វើជាម្ចាស់ផ្ទះក្នុងកម្មវិធីទាំងនោះ។
ក្នុងវគ្គសិក្សានេះបានបង្រៀនលើ៣ជំនាញធំៗ៖
ទី១ ការកំណត់ទេពកោសល្យរបស់មនុស្ស គឺនឹងបង្ហាញចេញពីរបៀបនៃការជ្រើសរើសកីឡាករដែលមានទេពកោសល្យ មានសមត្ថភាព ដែលមានលក្ខណៈសម្បត្តិបែបណាដើម្បីជំរុញឲ្យដល់ចំណុចកំពូលដែលអាចស្វែងរកមេដាយបាន។
ទី២ យុទ្ធសាស្ត្ររៀបចំកម្លាំងកាយ ព្រោះបច្ចុប្បន្នមើលឃើញថាសហព័ន្ធ ឬគ្រូនានានៅមានកម្រិតនៃការយល់ដឹងរៀបចំហ្វឹកហាត់កម្លាំងកាយមិនទាន់សមស្រប មិនទាន់ស៊ីជម្រៅក្នុងជំនាញរបស់ពួកគេនៅឡើយទេ។ ហ្វឹកហាត់រាល់ថ្ងៃនេះគឺភាគច្រើនធ្វើតែកម្លាំងកាយធម្មតា កម្លាំងកាយទូទៅ មិនទាន់ស៊ីជម្រៅលើកម្លាំងកាយពិសេស។
ទី៣ សហព័ន្ធ មន្ត្រីសហព័ន្ធ គ្រូបង្វឹក ឲ្យយល់ដឹងរបៀបធ្វើផែនការយុទ្ធសាស្ត្រត្រៀមលក្ខណៈសម្បត្តិ ថាតើផែនការយុទ្ធសាស្ត្របច្ចេកទេសកីឡាគេធ្វើដូចម្ដេច គេតម្រូវការបែបម៉េច មានលក្ខណយ៉ាងណាខ្លះ ដើម្បីជួយដល់ការហ្វឹកហាត់ទទួលបានជោគជ័យ។
ឯកឧត្ដមបញ្ជាក់ដែរថា គណៈកម្មាធិការជាតិអូឡាំពិកកម្ពុជានឹងធ្វើការវាយតម្លៃប្រចាំឆ្នាំ ទាំងទ្រឹស្ដី និងការអនុវត្តផ្ទាល់ ហើយបើសហព័ន្ធណាដែលយកទៅអនុវត្តនៅមានភាពទន់ខ្សោយ មិនត្រឹមត្រូវតាមផែនការ នឹងលុបឈ្មោះចេញពីព្រឹត្តិការណ៍ស៊ីហ្គេម ពេលកម្ពុជាធ្វើម្ចាស់ផ្ទះ។
រំលឹកដែរថា វគ្គបណ្ដុះបណ្ដាលនេះ មានការចូលរួមពីគ្រូឧបទេសជំនាញកីឡាកម្រិតខ្ពស់មកពីប្រទេសអាល្លឺម៉ង់ ហើយសិក្សារយៈពេល២០ថ្ងៃ ចាប់ពីថ្ងៃទី១២ ដល់ ៣១ ខែធ្នូ ២០១៨។ សិក្ខកាមចូលរួមចន្លោះពី ១០០-១៥០នាក់ មកពីសហព័ន្ធនានា៕
រឿងក្ដៅពីរកើតឡើងក្នុងសប្ដាហ៍នេះក្នុងវិស័យបាល់ទាត់ខ្មែរ
អ្នកគាំទ្រ Arsenal គប់ Alli មួយដប តែត្រូវកីឡាករតបវិញយ៉ាងឈឺចាប់
ថៃ រិទ្ធីថា Enthony ពិតជាអស្ចារ្យ តែរូបគេតាំងចិត្តជាអ្នកកីឡា