Son អាចនឹងខកខានលេងឲ្យ Spurs ក្រោយកោះហៅចូលក្រុមជម្រើសជាតិ

2018-12-20 11:29:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្លឹប Tottenham Hotspur កីឡាករ Son Heung-min ត្រូវបានកោះហៅចូលក្រុមជម្រើសជាតិកូរ៉េខាងត្បូង សម្រាប់ព្រឹត្តិការណ៍ Asian Cup ដែលនឹងធ្វើឡើងក្នុងទឹកដី ព្រះរាជាណាចក្រអារ៉ាបរួម នៅខែមករា ឆ្នាំ២០១៩។

ព្រឹត្តិការណ៍នេះ ប្រព្រឹត្តិទៅពីថ្ងៃទី ៥ ខែមករា ដល់ ថ្ងៃទី ១ ខែកុម្ភៈ ឆ្នាំក្រោយនេះ ប៉ុន្តែ Son អាចចូលរួមបានតែប្រកួតចុងក្រោយក្នុងវគ្គជម្រុះពូលតែប៉ុណ្ណោះ។ រូបគេនឹងចូលរួមជាមួយក្រុមជម្រើសជាតិកូរ៉េខាងត្បូងនៅថ្ងៃទី ១៣ ខែមករា។

ខ្សែប្រយុទ្ធរូបនេះ អាចនឹងខកខាន ៤ប្រកួត គឺប្រកួតក្នុង Premier League ៣ប្រកួត ដោយក្នុងនោះមានប្រកួតប៉ះនឹង ក្លឹប Manchester United និង វគ្គពាក់កណ្ដាលផ្ដាច់ព្រាត់ពានខារ៉ាបាវជើងទី ២ ប៉ះនឹងក្លឹប Chelsea។ Son អាចនឹងត្រលប់ជួយ Spurs វិញនៅថ្ងៃទី ១០ ខែកុម្ភៈ ពេលប្រកួតទល់នឹងក្លឹប Leicester ។

នេះមិនមែនជាលើកទី ១ សម្រាប់កីឡាករកូរ៉េខាងត្បូងរូបនេះទេ ដោយកាលពីខែកញ្ញាកន្លងទៅ Son បានជួយក្រុមឲ្យឈ្នះមេដាយមាសក្នុងព្រឹត្តិការណ៍ Asian Games ដែលធ្វើឡើងក្នុងប្រទេសឥណ្ឌូណេស៊ី៕

ប្រភព៖ Goal ប្រែសម្រួល៖ ហ៊ីម រស្មី