អាល់ប៊ុមថ្មីពីក្រុមតូចនឹងផ្ដោតសំខាន់លើពាក្យពេចន៍ឃ្លោងឃ្លា ប្លែកពីអាល់ប៊ុមដំបូង
- 2018-12-21 08:05:00
- ចំនួនមតិ 0 | ចំនួនចែករំលែក 0
អាល់ប៊ុមថ្មីពីក្រុមតូចនឹងផ្ដោតសំខាន់លើពាក្យពេចន៍ឃ្លោងឃ្លា ប្លែកពីអាល់ប៊ុមដំបូង
ចន្លោះមិនឃើញ
បន្ទាប់ពីបញ្ចេញអាល់ប៊ុមដំបូង ២x៥ រហូតមកដល់ពេលនេះ ក្រុមតូច (Small World Small Band)ទទួលបានការគាំទ្រជាខ្លាំង ដោយសារស្ទីលបទចម្រៀងបែបថ្មីមិនធ្លាប់មានពីមុនមករបស់ពួកគេ ហើយឥឡូវនេះក្រុមតូចកំពុងតែសស្រាក់សស្រាំដើម្បីផលិតអាល់ប៊ុមថ្មីដែលនឹងបញ្ចេញនៅពេលខាងមុខនេះ។
ថ្លែងមកកាន់សប្បាយថ្មីៗនេះ ខណៈពួកគេទើបតែត្រលប់មកពីប្រទេសជប៉ុនដើម្បីយកកម្មវិធីបុណ្យភូមិទៅសម្ដែងនៅទីនោះ ឥឡូវក្រុមតូចកំពុងតែសម្រិតសម្រាំងយកអ្វីដែលថ្មីចំពោះអាល់ប៊ុមទី២។ អ្វីដែលគួរឲ្យចាប់អារម្មណ៍នោះគឺ ដំណើរការផលិតសម្រាប់អាល់ប៊ុមនេះនឹងមានរយៈពេលយូរបន្តិច ដោយមានលក្ខណៈពិសេសមួយប្លែកពីអាល់ប៊ុមដំបូង។ ពេជ្ជរិទ្ធ បានបញ្ជាក់ថាចំពោះអាល់ប៊ុមថ្មីនេះ នឹងផ្ដោតសំខាន់ខ្លាំងទៅលើពាក្យពេចន៍ឃ្លោងឃ្លា ប្រទាក់ក្រឡា ស្ទីលចម្រៀងថ្មី ព្រមទាំងបច្ចេកទេសសំឡេងថ្មីទៀតផង ដោយខ្លួនមានតួនាទីជាផលិតករនៅក្នុងក្រុមចំពោះដំណើរការផលិត។
ទោះជាយ៉ាងណាក៏ដោយ អាល់ប៊ុមថ្មីនេះក៏នឹងមិនភ្លេចនូវទម្រង់ចម្រៀងទោល (Solo) របស់សមាជិកនីមួយៗនោះឡើយ តួយ៉ាង កេសរ នឹងមានបទចម្រៀងទោល ព្រមទាំង ពេជ្ជរិទ្ធ មិនត្រឹមតែប៉ុណ្ណោះ ភិរម្យ និង ដេវីដ ដ៏សុទ្ធតែមានស្ទីលចម្រៀងតាមរយៈឧបករណ៍ភ្លេងទៀតផង។ ដេវីដ បានបញ្ជាក់ថា ទម្រង់ភ្លេងនោះអាចនឹងមិនមានអ្នកច្រៀងប៉ុន្តែគ្រាន់តែជាសាច់ភ្លេងលោកវាយស្គរ ជាមួយនឹងឃ្លាឃ្លោងនិយាយតាមបែបសិល្បៈគួរឲ្យចាប់អារម្មណ៍។
ចំណុចពិសេសមួយទៀតពីអាល់ប៊ុមថ្មីនេះគឺ បទចម្រៀងទាំងអស់នឹងនិពន្ធឡើងផ្ដោតសំខាន់ទៅលើរឿងរ៉ាវស្នេហា ព្រមទាំងការលើកទឹកចិត្តផងដែរ។
បើចង់ដឹងច្បាស់ទស្សនាវីដេអូសម្ភាសន៍ទាំងស្រុងខាងក្រោម៖