អ្នកជំនួញខ្មែរ មានភាគហ៊ុនក្នុងក្លឹបបាល់ទាត់ល្បីៗ រាប់មិនអស់ កំពុងទិញក្លឹបនៅប៉ូឡូញ១ទៀតហើយ

2018-12-21 08:48:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក លី វណ្ណា ដើមកំណើតខ្មែរ មានក្រុមហ៊ុនច្រើននៅអឺរ៉ុប កំពុងចរចាទិញយកក្លឹប Wisła Kraków នៅលីគកំពូលប៉ូឡូញហើយ ក្រោយពីក្លឹបនេះកំពុងក្ស័យធន់។

តាមការចុះផ្សាយរបស់វិបសាយបរទេស លោក លី វណ្ណា កំពុងចាប់ដៃគូជាមួយអ្នកជំនួញអង់គ្លេស ដើម្បីស្រោចស្រង់ក្លឹបនេះឡើងវិញ។ ដោយប្រភពបានបញ្ជាក់ថា លោក វណ្ណា នេះ ចង់ទិញភាគហ៊ុន៦០%នៃក្លឹបនេះ ដើម្បីឱ្យដំណើរការជាធម្មតាវិញ។ ដោយតម្លៃភាគហ៊ុន ៦០%នេះ មានតម្លៃមិនតិចនោះទេ ព្រោះក្លឹបនេះជាក្លឹបជោគជ័យមួយដែរក្នុងលីគរបស់ពួកគេ។ ក្រោយពីការចុះផ្សាយដំណឹងនេះហើយ ទើបគេឆ្ងល់ថាបុគ្គល លី វណ្ណា ដែលមានដើមកំណើតខ្មែរនេះជានរណា បានជាមានប្រាក់ច្រើនយ៉ាងនេះ។

មិនសូវមានប្រវត្តិច្រើនរបស់លោក ក្នុងអីនធើណែតនោះទេ ប៉ុន្តែគេដឹងថាលោក គឺជាថ្នាក់ដឹកនាំ Fund មួយឈ្មោះថា Alelega នៅប្រទេសលុចហ្សំបួរ។ ដោយយកឈ្មោះនេះហើយ ដើម្បីទៅទិញយកក្លឹបម្ចាស់ជើងឯកប៉ូឡូញ១៣សម័យកាលនោះ។ លោក មានក្រុមហ៊ុនជាច្រើននៅបារាំង និងស្វីសជាដើម។

យោងតាមលោក Adam Pietrowski ភ្នាក់ងារបាល់ទាត់ម្នាក់ បានបញ្ជាក់ថាបុរសខ្មែរ ដែលជាអ្នកជំនួញម្នាក់នេះ មានភាគហ៊ុននៅក្លឹបជាច្រើន ដូចជា New York City, Slavia Praga, Yokohama FC, Vitoria Guimaraes និងក្រុមនៅអាហ្សង់ទីន ប្រេស៊ីលជាដើម៕

ប្រភព៖ polandin ប្រែសម្រួល៖ មុន្នីរម្យ