Asensio នឹងខកខានប្រកួតវគ្គផ្ដាច់ព្រាត់ Club World Cup

2018-12-21 12:31:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើក្លឹប Real Madrid កីឡាករ Marco Asensio បានរងរបួសសាច់ដុំនៅជើងស្ដាំរបស់គេ ក្រោយពីការធ្វើតេស្តពីសំណាក់ក្រុមគ្រូពេទ្យរបស់ក្លឹប នេះបើតាមការប្រកាសនៅក្នុងគេហទំព័រផ្លូវការរបស់ក្លឹប។

Assensio អាចនឹងខកខានជួយ Real Madrid ក្នុងការប្រកួតវគ្គផ្ដាច់ព្រាត់ FIFA Club World Cup ទល់នឹងក្លឹបអារ៉ាបរួម Al-Ain នៅថ្ងៃសៅរ៍នេះ ហើយថែមទាំងអាចអវត្តមានចំនួន ៣សប្ដាហ៍ទៀតផង។ កីឡាករអេស្ប៉ាញរូបនេះ អាចនឹងវិលចូលទីលានប្រកួតវិញ នៅថ្ងៃទី ៣ ខែមករា ឆ្នាំក្រោយនេះ ពេលប្រកួតទល់នឹងក្លឹប Villareal ក្នុងក្របខ័ណ្ឌ La Liga។

សូមបញ្ជាក់ផងដែរថា Asensio បានលេង ១៣នាទី ក្នុងប្រកួតវគ្គពាក់កណ្ដាលផ្ដាច់ព្រាត់ក្នុងកម្មវិធី FIFA Club World Cup ប៉ះនឹងក្លឹបជប៉ុន Kashima Antlers ។

ក្លឹប Real Madrid កំពុងតែសម្លឹងមើលឱកាសក្នុងការយកពានក្លឹបបាល់ទាត់ពិភពលោកក្នុងរយៈពេល ៣ឆ្នាំជាប់គ្នា ខណៈពួកគេនឹងត្រូវប៉ះក្លឹប Al-Ain នៅថ្ងៃសៅរ៍នេះ៕

ប្រភព៖ Marca ប្រែសម្រួល៖ ហ៊ីម រស្មី