ប្រជាជនសឹងពាក់កណ្ដាលផែនដីមើល World Cup ២០១៨
- 2018-12-22 02:20:37
- ចំនួនមតិ 0 | ចំនួនចែករំលែក 0
ប្រជាជនសឹងពាក់កណ្ដាលផែនដីមើល World Cup ២០១៨
ចន្លោះមិនឃើញ
ប្រជាជនប្រមាណពាក់កណ្ដាលផែនដីបានទស្សនាការប្រកួត World Cup នៅរុស្ស៊ីតាមរយៈកញ្ចក់ទូរទស្សន៍ និងអនឡាញ នៅតាមបណ្ដាប្រទេសនីមួយៗរបស់ពួកគេ។ នេះបើតាមការស្រាវជ្រាវរបស់សហព័ន្ធបាល់ទាត់ពិភពលោកហៅកាត់ថា FIFA។
ចំនួនប្រជាជន ៣,៥៧ពាន់លាននាក់ ត្រូវបានស្ថាប័ន Publicis Media Sport អះអាងថាបានមើលការប្រកួត World Cup ស្របពេលច្រើនជាង១ពាន់លាននាក់មើលវគ្គផ្ដាច់ព្រ័ត្រ។ ៣២៧,៥លាននាក់មើលវគ្គពាក់កណ្ដាលផ្ដាច់ព្រ័ត្រដែលអង់គ្លេសចាញ់ ក្រូអាត។
លោក Philippe le Floc'h មន្ត្រីរបស់ FIFA ជឿជាក់ថាទិន្នន័យខាងលើបានធ្វើឲ្យ World Cup នៅរុស្ស៊ីជាព្រឹត្តិការណ៍បាល់ទាត់ដ៏ជោគជ័យបំផុតក្នុងប្រវត្តិសាស្ត្រ។ គួររម្លឹកថាក្រុមជម្រើសជាតិមាន់គកបារាំងគឺជាម្ចាស់ជើងឯកពិភពលោក ដែលចាប់ផ្ដើមពីថ្ងៃទី១៤មិថុនាដល់១៥កក្កដា ឆ្នាំ២០១៨ សរុបចំនួន៦៤ប្រកួត៕