ប្រុសៗ បើនៅមានចរិត៦យ៉ាងនេះ កុំប្រញាប់យកប្រពន្ធ នាំកូនក្រមុំគេមកពិបាក
- 2018-12-22 03:31:32
- ចំនួនមតិ 0 | ចំនួនចែករំលែក 0
ប្រុសៗ បើនៅមានចរិត៦យ៉ាងនេះ កុំប្រញាប់យកប្រពន្ធ នាំកូនក្រមុំគេមកពិបាក
ចន្លោះមិនឃើញ
រៀបការហើយ គ្រួសារមានសុភមង្គល ឬក៏គ្មាន និងរៀបការហើយជោគជ័យ ឬបរាជ័យ មានកត្តាច្រើនយ៉ាងណាស់រួមផ្សំ។ តែមួយផ្នែកធំ គឺអាស្រ័យលើបុគ្គលផ្ទាល់ថា បានត្រៀមខ្លួនបានប៉ុណ្ណា? ខាងក្រោមនេះ ជាលើកយកចំណុចខ្វះខាត របស់ភាគីខាងបុរសជាផ្នែកសំខាន់ ក្នុងជីវិតគ្រួសារ ដែលមិនទាន់អាចបង្កើតគ្រួសារមួយបាន។
១. ចិត្តឆេវឆាវឆាប់ខឹង មិនចេះទប់អារម្មណ៍
ចរិតបែបនេះបង្ហាញពីភាពក្មេងខ្ចី គំនិតនៅរាក់ ការគិតនៅខ្លី ព្រោះមកពីកត្តាខ្វះការយល់ដឹង និងកម្រិតក្រមសីលធម៌។ បែបនេះទាមទាររៀនសូត្រឲ្យបានជ្រៅជ្រះ មានចរិតនឹងន ចេះថ្លឹងថ្លែង ចេះគិតពិចារណាបានវែងឆ្ងាយ ចាំបង្កើតគ្រួសារ។ មនុស្សប្រុសខឹងប្រពន្ធ រត់ទៅផឹកស៊ីជាមួយមិត្តភក្ដិ ប្រើសម្ដីទ្រគោះបោះបោក ច្រើនតែបរាជ័យរឿងគ្រួសារ។
**២. មិនទាន់មានភាពឯករាជ្យលើខ្លួនឯង**
គោលជំហររឹងមាំកាន់តែសំខាន់បំផុត សម្រាប់មនុស្សប្រុស មិនអាចរៀបការហើយឲ្យភរិយាដឹកមុខនោះទេ។ ប្រសិនបើមិនទាន់មានភាពឯករាជ្យ ជឿជាក់លើខ្លួនឯង មានគោលជំហររឹងមាំ និងដឹកនាំកសាងគ្រួសារកុំទាន់អាលចង់យកប្រពន្ធ។ ថ្វីបើប្រពន្ធក៏ជាចំណែកមួយជាមេគ្រួសារ តែក្នុងនាមជាមនុស្សប្រុស មិនអាចទម្លាក់បន្ទុកលើនាងទាំងស្រុងឡើយ។
៣. មិនទាន់អាចលះបង់ភាពសប្បាយរីករាយជាមួយមនុស្សជុំវិញខ្លួន
ត្រង់នេះមិនមែនមានន័យថា ពេលរៀបការរួចត្រូវតែនៅជាមួយភរិយា គ្រប់ពេល គ្រប់វេលានោះឡើយ តែក៏មិនអាចទៅជួបជុំ ដើរលេង ផឹកស៊ី ដាច់យប់រាល់ថ្ងៃទុកប្រពន្ធកូនចោលបានឡើយ។ ដូចនេះបើថាចង់នៅសប្បាយបែបក្មេងជាយុវវ័យ នៅលីវឲ្យអស់ចិត្តសិន លុះត្រាគិតថាខ្លួនឯង ល្មមដល់ពេលបង្កើតគ្រួសារ ចាំបង្កើត។ គ្មានមនុស្សស្រីឯណា ដែលចង់បានប្ដី គិតតែរកសុខតែខ្លួនឯងនោះទេ។
៤. គ្មានប្រាក់ចំណូលស្ថិតស្ថេរ គ្មានជំនាញច្បាស់លាស់
ហេតុអីប្រាក់ចំណូលសំខាន់? ចម្លើយមិនពិបាកទេ បើរៀបការរួច គ្មានដើមទុន គ្មានលុយ តើប្ដីប្រពន្ធ អាចកសាងគ្រួសារដោយរបៀបណា? បែបនេះហើយ បើដឹងថាខ្លួនឯង នៅរត់ឆ្លេឆ្លា រកលុយ នៅរត់រកជំនាញនៅឡើយ កុំទាន់អាលយកប្រពន្ធល្អជាង។ ស៊ូលំបាកម្នាក់ឯង តែកុំឲ្យគេមកពិបាកជាមួយ ចាំដល់ពេលដែលមានប្រាក់ចំណូលច្បាស់លាស់ និងជំនាញមួយជាក់លាក់សិន ទើបមិនពិបាកទាំងខ្លួនឯង និងខាងស្រី។
៥. មិនទាន់អាចប្រឈមមុខនឹងបញ្ហា
ក្រោយរៀបការហើយ មិនមែនឲ្យតែចេះស្រលាញ់គ្នាចប់រឿងនោះទេ មានរឿងរ៉ាវជាច្រើនដែលត្រូវប្រឈម និងឆ្លងកាត់ ហើយក្នុងនាមជាស្វាមី ត្រូវតែជាបង្គោលដ៏ក្ដៅនៃគ្រួសារ។ ត្រូវមានទុនក្នុងការដោះស្រាយបញ្ហា ត្រូវរៀនសូត្រពីជីវិត ស្គាល់ការតស៊ូ ស្គាល់ការលំបាកសិន ទើបមានមូលដ្ឋានគ្រឹះ ប្រឈមគ្រប់បញ្ហា។ រត់រកឪពុកម្ដាយពេលពិបាក រត់ចោលបញ្ហា បង្ហាញនូវភាពក្មេងខ្ចី ដែលត្រូវការពេលវេលាបន្ថែមទៀត។
៦. ចិត្តស្រលាញ់មិនទៀងទាត់ មិនចេះស្មោះជាមួយអ្នកណា
ចាំក្លាយជាមនុស្សចេះស្មោះសិន ចាំគិតគូរចង់បង្កើតគ្រួសារ ព្រោះលើលោកនេះគ្មាននារីណាមកស្រឡាញ់ប្រុសសាវាទេ។ បើក្នុងចិត្តឃើញអ្នកណាក៏ស្អាត ឃើញអ្នកណាក៏ពេញចិត្ត មានន័យថា មិនទាន់ជួបស្នេហ៍ពិតទេ។ បើសិនជាច្បាស់ក្នុងចិត្តថា ស្រឡាញ់នារីម្នាក់ណាពិតប្រាកដ គ្មានចិត្តឲ្យអ្នកផ្សេងទៀត ចាំគិតគូរទើបជាការប្រសើរ៕