មកដឹងវិធីធ្វើឲ្យ Apple Watch ចាស់ៗ ថ្មីឡើងវិញម្តងទៀត ទោះប្រើយូរឆ្នាំ!

2018-12-23 01:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានហេតុផលមួយចំនួន អ្នកត្រូវការ reset នាឡិកាដៃរបស់អ្នកដូចជាចង់លក់ចេញ ដោះស្រាយបញ្ហា ឬគ្រាន់ចង់សម្អាតរាល់ទិន្នន័យចាស់ៗ។ ដូចនេះ មុនពេលអនុវត្ត អ្នកគួរប្រាកដថា បានរក្សាទុកទិន្នន័យចាំបាច់ៗពីក្នុងនាឡិកាជាមុនសិន។

របៀប reset Apple Watch ពី iPhone

នេះជាវិធីមានសុវត្ថិភាពបំផុត ក្នុងការ Disconnect និង Reset Apple Watch។

បើកកម្មវិធី Watch លើទូរសព្ទ
ចុចលើនាឡិកាមានឈ្មោះរបស់អ្នក និងចុចលើ icon អក្សរ i ក្បែរនោះ
មាន Settings មួយចំនួននឹងបង្ហាញ ហើយបើច្បាស់លាស់ ចុចលើជម្រើស Unpair Apple Watch នៅផ្នែកខាងក្រោមអេក្រង់។
បញ្ចូលពាក្យសម្ងាត់ Apple ID ដើម្បីបន្តដំណើរការទៅមុខ
Apple Watch និង iPhone នឹងចាប់ផ្តើម Disconnect ហើយចំណាយពេលប្រហែល ១០ នាទី ឬច្រើនជាងនេះ អាស្រ័យលើចំនួនទិន្នន័យមានក្នុងនាឡិកា។
ក្រោយចប់សព្វគ្រប់ អាចរៀបចំ Apple Watch ម្តងទៀត ដូចកាលទិញដំបូង។

ការសម្អាតទិន្នន័យ Apple Watch

ពេលខ្លះ អាចសម្គាល់ឃើញថាទិន្នន័យក្នុងនាឡិកាមិនបាន Reset ពេញលេញ ទោះជាបាន Disconnect ពី iPhone។

បើកកម្មវិធី Settings លើ Apple Watch
ចូលទៅកាន់ General > Reset និងជ្រើសរើស Erase All Content and Settings។ បើមាន Apple Watch ភ្ជាប់គម្រោងទិន្នន័យ (Cellular) នឹងមានជម្រើសរក្សាទុកគម្រោង ឬ Disconnect។
ពេលចប់សព្វគ្រប់ អាចរៀបចំ Apple Watch ម្តងទៀត ដូចកាលទិញដំបូង៕