កុំរើសតែ Brand ពេក គួរតែមើលចំណុច ៥ នេះសិនមុនទិញកាមេរ៉ា

2018-12-24 00:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ាកយីហោកាមេរ៉ា សុទ្ធតែល្អៗដូចគ្នា ហើយក៏បំពាក់បច្ចេកវិទ្យាថ្មីៗដើម្បីសម្រួលដល់ការប្រើប្រាស់។ យ៉ាងណាមិញ ប្រសិនបើអ្នកចង់ទិញកាមេរ៉ាយកមកប្រើប្រាស់ អ្នកក៏ពុំគួរប្រកាន់យកតែម៉ាកយីហោពេកនោះទេ ខាងក្រោមនេះជា ចំណុចគួរពិចារណា ៥ ដែលអាចឈ្វេងយល់បន្ថែម។

១) ឡេនកាមេរ៉ា

ចំណុចនេះ អ្នកគួរតែគិតមុនគេ ព្រោះថា ឡេនកាមេរ៉ាមានច្រើនប្រភេទណាស់ ខ្លះតម្លៃថ្លៃជាងកាមេរ៉ាគុណនឹងពីរផងក៏មានដែរ។ បែបនេះហើយ អ្នកគួរតែដឹងពីខ្លួនឯងឲ្យច្បាស់ថា តើអ្នកទិញកាមេរ៉ាយកមកថតអ្វី? ចង់បានឡេនប្រភេទណា? តម្លៃខ្ទង់ប៉ុន្មាន? តើអ្នកមានលទ្ធភាពទិញដែរទេ ប្រសិនបើវាត្រូវនឹងតម្រូវការ តែថ្លៃពេក។

២) តួកាមេរ៉ា

ក្រៅពីឡេនកាមេរ៉ា ចំណុចបន្ទាប់នេះគឺ តួកាមេរ៉ាវិញម្តង។ តួកាមេរ៉ា សំដៅដល់ភាពជាប់ធន់នៃកាមេរ៉ា មិនមែនម៉ាកយីហោ(Brand) នៃកាមេរ៉ាទេ។ ឧទាហរណ៍ថា អ្នកមានលុយទិញ កាមេរ៉ាថ្លៃ មានសេនស័រ និងមុខងារបច្ចេកវិទ្យាល្អៗ បូករួមនឹងការថែទាំជាប្រចាំផងនោះ កាមេរ៉ាអ្នកក៏ជាប់ធន់បានយូរទៅតាមនោះដែរ។

៣) ការកាត់ត

វិធីប្រើប្រាស់ក្នុងការកាត់តរូបភាពអាចបន្ថយគុណភាពរូបបាន សូម្បីតែថតចេញពីកាមេរ៉ា និង Lens ល្អ ជាពិសេសត្រង់ចំណុចពណ៌ ពន្លឺ ឬស្រមោល។

៤) លក្ខណៈសម្បត្តិកាមេរ៉ា Exposure, Focus, Aperture, Shutter Speed

ការកំណត់ពន្លឺរូបភាព, Subject មានការ Focus ល្អ ឬ ថតដោយមិនរង្គើកាមេរ៉ា ជាការសម្រេចចិត្តរបស់ជាងថត ហើយលទ្ធផលក៏ទៅតាមលក្ខណៈថតដែរ។

៥) ចក្ខុវិស័យរបស់អ្នកថត

មាន Lens ចាប់រូបភាពបានច្បាស់ មិនអាចធ្វើឲ្យរូបភាពមើលទៅធុញទ្រាន់ ទៅជាចាប់អារម្មណ៍នោះទេ។ ការសិក្សាពីរូបមន្ត មុខងារកាមេរ៉ាផ្តល់ឲ្យ ដើរកម្សាន្តច្រើនកន្លែង រួមទាំងបទពិសោធន៍ថតរូបជាច្រើនឆ្នាំ អាចជំរុញដល់ចក្ខុវិស័យល្អប្រសើរបាន៕