Update រឿងក្ដៅទាំងពីរ ដែលបានកើតឡើងកាលពីសប្ដាហ៍មុន
- 2018-12-24 02:42:15
- ចំនួនមតិ 0 | ចំនួនចែករំលែក 0
Update រឿងក្ដៅទាំងពីរ ដែលបានកើតឡើងកាលពីសប្ដាហ៍មុន
ចន្លោះមិនឃើញ
កាលពីសប្ដាហ៍មុនក្រុមក្នុងវិស័យបាល់ទាត់ខ្មែរមានរឿងក្ដៅពីរ ដែលអ្នកស្នេហាវិស័យមួយនេះកំពុងចង់ដឹង ដែលរឿងទី១គឺកីឡាករ៥នាក់របស់ភ្នំពេញក្រោន និងរឿងទី២ គឺទាក់ទងអង្គការសិទ្ធមនុស្សរិះគន់ Honda រឿងដឹកនាំក្រុមកម្ពុជា។
១-រិះគន់ Honda ៖ រឿងនេះត្រូវបាន Honda ថាមិនខ្វល់ ពីព្រោះលោកបានយល់ដឹងច្បាស់ពីកីឡានិងនយោបាយ។ គោលដៅរបស់លោកគឺស្រលាញ់កម្ពុជា ចង់ជួយកម្ពុជា ចង់អភិវឌ្ឍន៍វិស័យកីឡានៅកម្ពុជាឲ្យខិតទៅរកភាពល្អប្រសើរដូរប្រទេសជិតខាង។
ទាក់ទងរឿងនេះសហព័ន្ធកីឡាបាល់ទាត់កម្ពុជា (FFC) បានចេញសេចក្ដីប្រកាសព័ត៌មានមួយ ដែលមានអត្ថន័យដូចខាងក្រោម៖
២-បញ្ហាចម្រូងចម្រាសការផ្ទេរកីឡាករ៥រូបរបស់ភ្នំពេញក្រោន៖ រឿងនេះត្រូវបានក្លឹបទាំងពីរជួបពិភាក្សាគ្នារួចហើយ គឺខាងភ្នំពេញក្រោននៅតែប្រកាន់គោលជំហរទាមទារសំណងការបណ្ដុះបណ្ដាលយុវជន។ ស្របពេលខាងវិសាខាកំពុងប្រជុំពិភាក្សានៅឡើយ បន្ទាប់ពីខាងភ្នំពេញក្រោនប្រកាន់គោលជំហរបែបនេះ ពោលគឺមិនទាន់សម្រេច។
ក្នុងលិខិតថ្លែងការណ៍របស់ភ្នំពេញក្រោនគឺបានបញ្ជាក់យ៉ាងច្បាស់ថា ប្រសិនបើពួកគេមិនអាចទទួលបានដំណោះស្រាយសមស្របណាមួយទេនោះ ពួកគេនឹងប្រកាសរំសាយការអភិវឌ្ឍន៍យុវជនទាំងអស់ ព្រមទាំងប្រកាសដកខ្លួនចេញពីលីគកំពូលកម្ពុជាថែមទៀតផង៕