អ្នកជំនួញខ្មែរ លី វណ្ណា កំពុងធ្វើឱ្យបរទេស ចង់ស្គាល់មុខខ្លាំង ក្រោយចង់ទិញក្លឹបនៅប៉ូឡូញ
- 2018-12-26 03:59:51
- ចំនួនមតិ 0 | ចំនួនចែករំលែក 0
អ្នកជំនួញខ្មែរ លី វណ្ណា កំពុងធ្វើឱ្យបរទេស ចង់ស្គាល់មុខខ្លាំង ក្រោយចង់ទិញក្លឹបនៅប៉ូឡូញ
ចន្លោះមិនឃើញ
ប៉ុន្មានថ្ងៃមុននេះ មានដំណឹងថាមានបុរសដើមកំណើតខ្មែរម្នាក់ ចង់ទិញក្លឹប Wisła Kraków នៅលីគកំពូលប៉ូឡូញដែលកំពុងជួបវិបត្តិហិរញ្ញវត្ថុ។
បុរសដើមកំណើតខ្មែរនេះ ត្រូវបានគេស្គាល់ថាឈ្មោះ លី វណ្ណា ដែលជាអ្នកមាន មានមុខជំនួញច្រើននៅអឺរ៉ុប ប៉ុន្តែមិនចង់ល្បីឈ្មោះ ឬបង្ហាញមុខពិតនៅទីសាធារណៈឡើយ។ គេដឹងថា លោកជាម្ចាស់ភាគហ៊ុននៅតាមក្លឹបធំៗជាច្រើនដួចជា New York City, Slavia Praga, Yokohama FC និង Vitoria Guimaraes ជាដើម។ បុរសដែលចូលចិត្តវិស័យកីឡារូបនេះ ចង់បានក្លឹប Wisla Krakow ខាងលើ គឺដើម្បីជួយកុំឱ្យក្លឹបដែលធ្លាប់មានប្រវត្តិល្បីឈ្មោះខាងលើដួលទាន់។
បើតាមក្លឹបបានបញ្ជាក់ លោក លី វណ្ណា ចង់ទិញភាគហ៊ុនក្លឹបនេះទាំងអស់តែម្ដង ដោយលោកចង់បាន៦០% និងដៃគូសហការជនជាតិអង់គ្លេសម្នាក់ទៀតយក៤០%។ ការចរចាធ្វើឡើងរួចមកហើយ ដោយប្រធានក្លឹបផ្ទាល់បានជួបជាមួយតំណាងរបស់លោក លី វណ្ណា ។ យោងទៅតាមរូបភាពដែលបានបង្ហោះមក គេមិនទាន់ដឹងច្បាស់ថាម្នាក់ណានៅឡើយទេ ដែលជាលោក លី វណ្ណា នោះ។
អ្នកគាំទ្រក្លឹប Wisla Krakow និងបណ្ដាញសារព័ត៌មានជាច្រើន កំពុងចាប់អារម្មណ៍លើអ្នកជំនួញខ្មែរលាក់មុខម្នាក់នេះ ថាមានមុខមាត់យ៉ាងណាឱ្យប្រាកដ។ ត្បិតអីអ្នកគាំទ្ររបស់ក្លឹបផ្ទាល់ ក៏ចង់ដឹងម្ចាស់ក្លឹបថ្មីនេះផងដែរ។ ក្រោយពីផ្ទុះរឿងនេះមក មានករណីលើបណ្ដាញសង្គមជាច្រើន បានបង្កើត Account ឈ្មោះ លី វណ្ណា នេះ ដើម្បីទាក់ទាញចំណាប់អារម្មណ៍ ឬធ្វើក្នុងន័យបន្លំតែម្ដង។
បើយោងតាមភ្នាក់ងាររបស់ក្លឹបខាលើផ្ទាល់ បុរសឈ្មោះ លី វណ្ណា នេះ មិនដែលបណ្ដាញសង្គមណាមួយឡើយ ហើយផ្ដាំទៅអ្នកគាំទ្រថា កុំយល់ច្រឡំគណនីណាមួយជាលោក លី វណ្ណា អី៕