ថ្ងៃណូអែល គេអបអរពេញទឹកពេញដី តែតារាជើងចាស់ Eric Tsang បែរជាជួបរឿងស៊យ

2018-12-27 03:16:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលមនុស្សជាច្រើនចំណាយពេលយ៉ាងសប្បាយរីករាយជាមួយនឹងគ្រួសារ និងមិត្តភ័ក្ដិនៅថ្ងៃបុណ្យគ្រិស្តម៉ាស ប៉ុន្តែងាកទៅតារាសម្ដែងជើងចាស់របស់ហុងកុង Eric Tsang វិញ បែរជាកំពុងវ័ណ្ឌកនឹងករណីគ្រោះថ្នាក់ចរាចរណ៍ ពេលទៅកម្សាន្តនៅកោះ Hokkaido ប្រទេសជប៉ុនទៅវិញ។

តារាសម្ដែងដែលភាគច្រើនដើរជាតួក្រមិចក្រមើម Eric Tsang បានស្ថិតក្នុងហេតុការណ៍គ្រោះថ្នាក់ចរាចរណ៍មួយនៅក្នុងប្រទេសជប៉ុន ប៉ុន្តែជាសំណាងល្អលោកមិនមានរបួសអ្វីធ្ងន់ធ្ងរឡើយ។

ផ្អែកតាមប្រភពព័ត៌មាន រថយន្ត ៧កៅអីមួយគ្រឿងបានជិះបុកជាមួយនឹងរថយន្តរបស់ Eric។ ប៉ូលីសដែលនៅប្រចាំការនៅតំបន់នោះ បានមកដល់ភ្លាមៗនៅកន្លែងកើតហេតុ ព្រមទាំងបានធ្វើតេស្ត ដើម្បីពិនិត្រចាតិស្រវឹងលើអ្នកបើកបរ។

ដោយឡែក ពេលកំពុងធ្វើដំណើរ ក្រៅពី Eric ក៏មានអ្នកផាត់មុខ Vanus Li និងមន្ត្រីប៉ូលីសហុងកុងម្នាក់ឈ្មោះ Li Zhiheng។ មួយវិញទៀត ទាក់ទងនឹងករណីនេះដដែល កូនស្រីរបស់ Eric គឺ Bowie Tsang ក៏បានបញ្ជាក់ប្រាប់សារព័ត៌មានតាមអ្នកចាត់ការរបស់នាងថា គ្រប់គ្នាដែលស្ថិតក្នុងហេតុការណ៍នេះ មានសុវត្ថិភាពល្អណាស់ មិនមានរងរបួសអ្វីឡើយ៕