អ្នកសិល្បៈគំនូរសញ្ជាតិខ្មែររស់នៅកាណាដាម្នាក់ ផលិតគំនូរផ្ដល់តម្លៃឲ្យស្ដ្រី
- 2018-12-27 09:00:00
- ចំនួនមតិ 0 | ចំនួនចែករំលែក 0
អ្នកសិល្បៈគំនូរសញ្ជាតិខ្មែររស់នៅកាណាដាម្នាក់ ផលិតគំនូរផ្ដល់តម្លៃឲ្យស្ដ្រី
ចន្លោះមិនឃើញ
អ្នកសិល្បៈគំនូរសញ្ជាតិខ្មែរកាណាដា កែវ មេយលី ព្យាយាមផលិតគំនូររបស់ខ្លួនដើម្បីផ្ដល់តម្លៃឲ្យស្ដ្រីក្នុងនាមជាអ្នកសិល្បៈនារីមួយរូប ព្រមទាំងមានឈាមជ័រជាជនជាតិខ្មែរផងដែរ។ ទោះបីជាបានកើតនឹងរស់នៅប្រទេសកាណាដាតាំងពីតូចក្ដី មេយលី នៅតែមិនភ្លេចពីប្រទេសកំណើតរបស់ឪពុកម្ដាយខ្លួនគឺប្រទេសកម្ពុជានោះទេ ដោយតែងតែត្រលប់មកទីនេះជាញឹកញាប់ដើម្បីយល់ដឹងនិងសិក្សាឲ្យច្បាស់ពីប្រទេសនេះ។
ជុំវិញអាជីពជាអ្នកសិល្បៈគំនូរ អាណិកជនខ្មែរនៅកាណាដារូបនេះអាចគូសគំនូរប្រើដៃដោយស្ទាត់ជំនាញមិនត្រឹមតែប៉ុណ្ណោះ ក៏រចនារូបតាមកម្មវិធីកុំព្យូទ័រ Illussrator និងធ្វើ Animation ផងដែរ។ មុននឹងអាចធ្វើការងារនេះបាន មេយលី ត្រូវឆ្លងកាត់ការសិក្សាទាំងវិទ្យាល័យនិងសកលវិទ្យាល័យ នៅទីក្រុង Montreal ប្រទេសកាណាដា ដោយពោរពេញទៅដោយមនុស្សចម្រុះជាតិសាសន៍។ ហេតុនេះហើយបានជា នាងអាចសិក្សាពីមនុស្សជាច្រើនទូទាំងពិភពលោក និងអាចសិក្សាពីខ្លួនឯងឲ្យកាន់តែច្បាស់ចំពោះសិល្បៈគំនូរផ្ទាល់ខ្លួន ដែលមានភាពខុសប្លែកពីអ្នកសិល្បៈដទៃ។
ចំណុចសំខាន់មួយនៃសិល្បៈរបស់នាង គឺផ្ដោតសំខាន់ទៅលើស្ដ្រី ដោយមិនគិតពីពណ៌សម្បុរឬទ្រង់ទ្រាយនោះទេ គឺពួកគេសុទ្ធតែស្រស់ស្អាតតាមបែបខុសៗគ្នា។ មិនត្រឹមតែប៉ុណ្ណោះគំនូរផ្សេងៗរបស់នាងក៏បរិយាយពីបទពិសោធន៍ពាក់ព័ន្ធនឹងការតស៊ូផ្សេងៗ ព្រមទាំងការតស៊ូនឹងភាពបាក់ទឹកចិត្តផងដែរ។ កាលពីខែមុននេះ មេយលី ក៏បានចូលរួមនូវកម្មវិធីតាំងពិព័រណ៍មួយនៅ The Art Bar ដោយមានការចូលរួមពីអ្នកសិល្បៈគំនូរ៤រូបទៀត ដែលជាកម្មវិធីមួយប្លែកឈ្មោះ "#Bless” ដែលបង្ហាញពីអារម្មណ៍និងទេពកោសល្យរបស់អ្នកទាំង៥រូប។
ចង់ដឹងកាន់តែច្បាស់ទស្សនាវីដេអូខាងក្រោម៖