ការសាងសង់ទីលានបឹងកេត នឹងរួចរាល់យឺតដោយសារ...

2018-12-28 02:42:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីលានរបស់បឹងកេតបានចាប់ផ្ដើមសាងសង់មួយរយៈពេលហើយ និងបានរួចរាល់ប្រមាណជា ៣០ទៅ៤០ ភាគរយ ដែលគ្រោងសម្រេចឲ្យបានប្រើប្រាស់ក្នុងអំឡុងខែមេសា ឆ្នាំ២០១៩។ ប៉ុន្តែការសាងសង់នេះនឹងយឺតយ៉ាវចំនួនពី ២ ទៅ៣ ខែ ដោយសារប្រធានក្លឹបយកគម្រោងមួយចំនួនមកសិក្សាឡើងវិញ។

ការរៀបចំដាំស្មៅ (រូបថត៖បឹងកេត)

លោកស្រី ពុធ ធីតា បានឲ្យដឹងថា ទីលាននឹងអាចរួចរាល់យឺតដោយសារ ប្ដីរបស់ខ្លួនបានយកគម្រោងមួយចំនួនមកសិក្សាឡើងវិញ។ ប្ដីរបស់អ្នកស្រីចង់ឲ្យការសាងសង់មានកម្រិតស្តង់ដារខ្ពស់ទាំងកន្លែងអង្គុយ និងគុណភាពទីលានជាដើម។

លោកស្រីសង្កត់ធ្ងន់ថា សម្រាប់ការធ្វើកន្លែងអង្គុយទស្សនាគឺបានបុកគ្រឹះរួចរាល់ហើយ កាលពីពេលថ្មីៗនេះដែលមានជម្រៅ ៨ ម៉ែត្រ។ ប៉ុន្តែប្ដីអ្នកស្រីចង់ឲ្យធានាសុវត្ថិភាពសម្រាប់អ្នកគាំទ្រ ១០០ % ក៏បានរៀបចំបុកគ្រឹះម្ដងទៀតដែលបន្ថែមដល់ ១០ ម៉ែត្រ។ ប៉ុន្តែការបន្ថែមជម្រៅបុកគ្រឹះនេះក៏បានរួចរាល់ និងរៀបចំសាងសង់កន្លែងអង្គុយបណ្ដើរៗ ព្រមទាំងកំពុងរៀបចំសាងសង់បន្ទប់មួយចំនួនផងដែរ។

ទីលាននេះត្រូវបានប្ដីរបស់អ្នកស្រីពិនិត្យល្អិតល្អន់មែនទែន ពោលគឺពិនិត្យម្ដងមួយចំណុចៗ ដែលធ្វើការសាងសង់ស្ថិតក្នុងកម្រិតយឺតយ៉ាវខ្លាំង។ នេះជាការបន្ថែមរបស់លោកស្រីប្រធានខាងលើ។ ទីលាននេះមានទីតាំងនៅបឹងស្នោ ខណ្ឌច្បារអំពៅ៕