ផ្ទុះម្តងហើយម្តងទៀត! ត្រីមាសចុងក្រោយ Facebook ធ្វើឲ្យអ្នកប្រើប្រាស់ខកចិត្តដល់ទៅ ៣ លើក
- 2018-12-31 01:00:00
- ចំនួនមតិ 0 | ចំនួនចែករំលែក 0
ផ្ទុះម្តងហើយម្តងទៀត! ត្រីមាសចុងក្រោយ Facebook ធ្វើឲ្យអ្នកប្រើប្រាស់ខកចិត្តដល់ទៅ ៣ លើក
ចន្លោះមិនឃើញ
គិតត្រួសៗត្រឹមត្រីមាសទី ៤ ឆ្នាំ ២០១៨ នេះ ក្រុមហ៊ុនយក្ស Facebook បានរងរឿងអាស្រូវផ្ទួនៗគ្នាដល់ទៅបីលើកទាក់ទងនឹងការបែកធ្លាយទិន្នន័យអ្នកប្រើប្រាស់រហូតឈានដល់ការប្រមាញ់បាននូវគណនីរាប់លានដាក់លក់លើទីផ្សារងងឹតជាហូរហែ។
Sabay លើកយកអាស្រូវ ៣ លើកនៃបណ្តាញសង្គមយក្សគ្រប់គ្រងដោយលោក Mark Zuckerberg កើតមាននាត្រីមាសទី ៤ ឆ្នាំ ២០១៨៖
១.ការរកឃើញ ៣០ លានគណនីត្រូវបាន Hack:
លម្អិតក្នុងសេចក្ដីថ្លែងការណ៍ចុះផ្សាយកាលពីពាក់កណ្តាលខែតុលា រកឃើញថាគណនី Facebook របស់អ្នកប្រើប្រាស់ប្រមាណ ៣០ លានគណនីបានបែកធ្លាយទៅភាគីទីបី ដែលរួមបញ្ចូលទាំងព័ត៌មានទាក់ទងនឹងបញ្ជីឈ្មោះលេខទូរសព្ទ Email ភេទ សញ្ជាតិ និងទីតាំងមួយចំនួនជាដើម។
២.ការដាក់លក់គណនី Facebook ប្រមាណ ៨១ ០០០ លើទីផ្សារងងឹត:
ក្រុម Hacker បានលួចយកគណនី Facebook Messenger របស់អ្នកប្រើប្រមាណជាង ៨១ ០០០ កាលពីអំឡុងខែវិច្ឆិកាដាក់លើទីផ្សារងងឹតយ៉ាងអនាធិបតេយ្យ។ ដោយតាម BBC ក្នុងមួយគណនីក្រុមខិលខូចអាចលក់ចេញក្នុងតម្លៃ ១០ សេនជាមួយការបិទផ្ទាំងផ្សព្វផ្សាយពាណិជ្ជកម្មជូនទៀតផង។
៣.ការបែកធ្លាយរូបថតអ្នកប្រើប្រមាណ ៧ លានគណនី:
នាពាក់កណ្តាលខែធ្នូ តួលេខច្បាស់ការនៃអ្នកប្រើប្រាស់ ៦,៨ លានគណនីបានជួបកំហុសឆ្គងនៃ Photo API ដែលអនុញ្ញាតឲ្យភាគីទីបីអាចលុកលុយភ្ជាប់ទៅកាន់រូបថតរបស់អ្នកប្រើប្រាស់រូបនោះបាន ថ្វីបើមិនបានបង្ហោះជាសាធារណៈ (Public) លើបណ្តាញសង្គមក៏ដោយ។ យ៉ាងណាមិញ Facebook ក៏បានឆ្លើយតបមកវិញតាមរយៈការបង្ហាញដំណោះស្រាយទាំងភាគីអ្នកប្រើប្រាស់ផ្ទាល់ និង Developer ផ្ទាល់៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
នេះតម្លៃគ្រឿងបន្លាស់រថយន្ត ១០ ទៀត លក់នៅក្រៅប្រទេស អ្នកប្រើប្រាស់រថយន្តអាចឆែកបាន
OPPO បង្កើនការចំណាយទ្វេដង ដើម្បីដេញជើងលើការផលិតទូរសព្ទ 5G