ដូចការសន្យា! ទេព បូព្រឹក្ស យកថវិកាជួយសិល្បករជួបទុក្ខលំបាក និងមន្ទីរពេទ្យគន្ធបុប្ផា

2018-12-29 08:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចតាមការសន្យា កញ្ញា ទេព បូព្រឹក្ស បានយកថវិកាទៅចែកជូនដល់សិល្បករកំពុងមានជំងឺ និងទុក្ខលំបាកដូចជា នាយ ក្ដឹប នាយ សានម៉ៅ លោក អេ រដ្ឋា និងថវិការមួយចំនួនដល់មន្ទីរពេទ្យគន្ធបុប្ផា ក្រោយពីតារាចម្រៀងរូបនេះបានទទួលសំណងចំនួន១ម៉ឺនដុល្លារពីបុរសឈ្មោះ ឆេង រស្មី បានជះស្រា និងគប់កំប៉ុងមកលើរូបនាងនៅលើឆាក។

ម្ចាស់បទ "My សង្សា" បានយកថវិកាចំនួន២លានរៀល ដល់តារាកំប្លែង នាយក្តឹប ដែលកំពុងមានជំងឺឈឺធ្ងន់ ដោយក្រុមគ្រូពេទ្យបានរកឃើញថា លោកមានជំងឺជាច្រើនមុខដូចជាជំងឺស្ពោតសរសៃឈាមខួរក្បាល ទឹកចូលសួត និងជំងឺបេះដូងជាដើម ។

លើសពីនេះ នៅលើបណ្ដាញសង្គម គេឃើញគូស្នេហ៍របស់លោក G-Devith បានទៅសួរសុខទុក្ខ និងយកថវិកា ជូនដល់លោក អេ រដ្ឋា កីឡាករប្រដាល់ ដែលរងគ្រោះថ្នាក់ចរាចរណ៍ រហូតបែកប្លោកនោម ដាច់ពោះវៀន ដាច់សរសៃឈាមក្រលៀន កំពុងសង្គ្រោះបន្ទាន់យ៉ាងយកចិត្តទុកដាក់ពីក្រុមគ្រូពេទ្យ នៃមន្ទីរពេទ្យកាល់ម៉ែត។

ក្រៅពីនេះ សិល្បករកំពុងជួបទុក្ខដូចជា លោក សាន ម៉ៅ កំពុងសម្រាកព្យាបាលនៅមន្ទីរពេទ្យ ដោយលោកជំងឺទឹកដក់ក្នុងសួត បេះដូង និងជំងឺទឹកនោមផ្អែម។ សំណងដែលទទួលបាននោះ មួយចំណែកទៀត ចំនួន៣ពាន់ដុល្លារ កញ្ញា បូព្រឹក្ស ជួយដល់មន្ទីរពេទ្យគន្ធបុប្ផា ផងដែរ ក្នុងការចូលរួមជួយដោះស្រាយគ្រាលំបាកនេះ។