បែកធ្លាយរូបភាពជាច្រើនរបស់ Onew ក្នុងបន្ទាយទាហានពេលហ្វឹកហាត់យ៉ាងសកម្ម
- 2018-12-30 02:33:00
- ចំនួនមតិ 0 | ចំនួនចែករំលែក 0
បែកធ្លាយរូបភាពជាច្រើនរបស់ Onew ក្នុងបន្ទាយទាហានពេលហ្វឹកហាត់យ៉ាងសកម្ម
ចន្លោះមិនឃើញ
បន្ទាប់ពីលាអ្នកគាំទ្រទៅបំពេញកាតព្វកិច្ចដ៏សំខាន់ជូនជាតិ Onew បានបាត់ដំណឹងសូន្យឈឹង រហូតពេលនេះរូបភាពរបស់លោកនៅបន្ទាយហ្វឹកហាត់ ត្រូវបានបែកធ្លាយ។
មេក្រុមរបស់ SHINee គឺ Onew បានចេញទៅធ្វើជាទាហានកាលពីថ្ងៃទី ១០ ខែធ្នូ ដោយមានការជូនដំណើរដោយសមាជិករួមក្រុមទាំង ៣ផ្សេងទៀត។ ចាប់តាំងពីចូលបំពេញកាតព្វកិច្ច លោកត្រួវគេតម្រូវឲ្យហ្វឹកហាត់នៅបន្ទាយ រហូតដល់ខែមករា។
ឈានមកទល់ពេលនេះ ងាកាសធាតុកាន់តែត្រជាក់ ដូចនេះសម្រាប់អ្នកគាំទ្រពិតជាបារម្ភនឹងសុខទុក្ខរបស់ Onew ណាស់។ ប៉ុន្តែពេលនេះ គ្រប់គ្នាអាចធូរចិត្តឡើងវិញ តាមរយៈរូបភាពជាច្រើនសន្លឹកថ្មីរបស់ Onew។ ក្នុងនោះផងដែរ មិត្តរួមបន្ទាយក៏ថែមទាំងបានប្រារព្ធពិធីខួបកំណើតឲ្យ Onew យ៉ាងរីករាយទៀត។
ទោះបីជាយ៉ាងណា តាមរយៈរូបភាពទាំងនេះ អ្នកគាំទ្រពិតជាសប្បាយចិត្ត និងដឹងថាតារាប្រុសរូបនេះ ពិតជាសុខសប្បាយ និងមានការមើលថែពីមិត្តថ្មីក្នុងជួរទាហាន៕