បើ iPhone XR, XS សាកថ្មយឺត មានវិធីអាចដោះស្រាយបាន

2018-12-31 22:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកកាន់ស្មាតហ្វូនជំនាន់ថ្មី ប្រហែលសម្គាល់ឃើញល្បឿនសាកថ្មយឺតជាងម៉ូដែលមុនៗ ដូចជា iPhone 6 ឬ 6s។ iPhone XR, XS និង XS Max មានទំហំថ្មធំជាងម៉ូដែលមុន ខណៈពេលមានឆ្នាំងសាក ៥វ៉ាត់ដដែល ដូចនេះល្បឿនសាកអាចយូរ។

ដើម្បីឲ្យការសាក iPhone លឿនជាងមុន ត្រូវការទិញឆ្នាំងសាក ១២វ៉ាត់របស់ Apple រួមទាំងខ្សែបំបែកពី Lightning ទៅUSB។ ឆ្នាំងសាកក្នុងប្រអប់ អាចសាក iPhone XR ឬ XS Max បានពេញចំណាយពេល ៤ម៉ោង។ ឆ្នាំងសាក ១២វ៉ាត់ អាចកាត់បន្ថយពេលវេលាពាក់កណ្តាល ពោលគឺ ៥០% ប្រើពេល ៤៤នាទី។ ចំពោះ ឆ្នាំងសាក ១៨វ៉ាត់ពី Aukey អាចសាកថ្ម iPhone ពី ០% ទៅ ៥០% ប្រើពេលតិចជាង ៣០នាទី។

បើមាន MacBook ឬ MacBook Pro ម៉ូដែលថ្មី អាចប្រើឆ្នាំងសាក USB-C របស់ Apple និងខ្សែបំបែកពី Lightning ទៅ USB-C ដើម្បីបង្កើនល្បឿនសាកបាន ជាមួយនឹងពេលវេលាស្រដៀងគ្នាដូចបានបង្ហាញខាងលើ។

ឆ្នាំងសាក ៥វ៉ាត់ មិនសាកសមមានវត្តមានក្នុងប្រអប់ iPhone ទេ។ ក្រុមហ៊ុនបានបង្កើតឆ្នាំងសាក USB-C ១៨វ៉ាត់ សម្រាប់ iPad ថ្មី ហើយសង្ឃឹមថានឹងក្លាយជាស្តង់ដារក្នុងប្រអប់ iPhone ឆ្នាំ ២០១៩៕