រមណីយដ្ឋានឆ្នេរសុខា បើកដំណើរការអគារថ្មីឈ្មោះថា "សុខា បេវីយូ"

2019-01-01 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រមណីយដ្ឋានឆ្នេរសុខានឹងបើកដំណើរការអគារថ្មីមានឈ្មោះថា ”សុខា បេវីយូ” ដែលជាសំណង់អគារផ្តល់ជូននូវទេសភាពដ៏ស្រស់ត្រកាល នៃបរិវេណរមណីយដ្ឋានឆ្នេរសុខា។

អគារសុខាបេវីយូ

ដើម្បីឆ្លើយតបទៅនឹងកំណើនកើនឡើងយ៉ាងឆាប់រហ័ស នៃភ្ញៀវអន្តរជាតិមកកាន់ព្រះរាជាណាចក្រកម្ពុជា រួមទាំងភ្ញៀវទេសចរ ដែលមកកម្សាន្ត និងធ្វើពាណិជ្ជកម្ម អគារសុខាបេវីយូ ដែលមានកំពស់៩ជាន់ផ្តល់ជូននូវបន្ទប់ធម្មតា និងបន្ទប់ប្រភេទស្វីតចំនួន ៤២០ បន្ទប់ថែមទៀត ដែលផ្តល់នូវទីកន្លែងដ៏ស្ងប់ស្ងាត់ឆ្ងាយពីភាពអ៊ូអរនៃទីក្រុង សម្រាប់ការសម្រាកលម្ហែដល់ប្រជាជនខ្មែរ ភ្ញៀវទេសចរនិងជនបរទេសដែលមកស្នាក់នៅខេត្តព្រះសីហនុ។

លោកស្រី សុខ ចន្ធី នាយិកាផ្នែកលក់ និងទីផ្សារបានមានប្រសាសន៍ថា៖ "យើងខ្ញុំពិតជាមានអារម្មណ៍សប្បាយរីករាយយ៉ាងខ្លាំង ចំពោះការពង្រីកបន្ថែមបន្ទប់ស្នាក់ ឆ្លើយតបទៅនឹងកំណើននៃភ្ញៀវដែលបានមកកាន់តំបន់ឆ្នេរសមុទ្រនៅក្នុងប្រទេសកម្ពុជា"។

ដោយរក្សានូវរចនាបថរបស់ខ្លួន គួបផ្សំនឹងរចនាបថបែបខ្មែរបុរាណ លាយទំនើប អគារសុខា បេវីយូមានបន្ទប់ស្នាក់នៅ និងបន្ទប់ស្វីតចំនួន ៥ប្រភេទខុសៗគ្នាដែលមានទំហំចាប់ពី៤៤ម៉ែត្រការ៉េ ដល់៨៨ម៉ែត្រការ៉េ ហើយភ្ញៀវអាចប្រើប្រាស់បាននូវអាងហែលទឹក ក្លឹបហាត់ប្រាណ ភោជនីយដ្ឋាន បារបរិក្ខារ និងសេវាកម្មផ្សេងៗដែលមាននៅក្នុងរមណីយដ្ឋានឆ្នេរសុខា។