ក្នុងរយៈពេលតែ១អាទិត្យភាពយន្ត "Bird Box” របស់ Netflix ត្រូវបានចូលមើលដល់ទៅជាង៤៥លានដង
- 2018-12-31 03:30:00
- ចំនួនមតិ 0 | ចំនួនចែករំលែក 0
ក្នុងរយៈពេលតែ១អាទិត្យភាពយន្ត "Bird Box” របស់ Netflix ត្រូវបានចូលមើលដល់ទៅជាង៤៥លានដង
ចន្លោះមិនឃើញ
ក្នុងរយៈពេលតែ១សប្ដាហ៍ភាពយន្ត "Bird Box” ដែលចាប់ដាក់បញ្ចាំងនៅលើ Netflix ត្រូវបានគេចូលមើលរហូតដល់ទៅជាង ៤៥លានដងឯណោះ ដែលនេះជាចំនួនច្រើនបំផុតសម្រាប់បណ្ដាភាពយន្តដែលចាប់ដាក់បញ្ចាំងលើបណ្ដាញមើលទូរទស្សន៍តាមអ៊ីនធឺណិតមួយនេះ។
ភាពយន្ត "Bird Box” នេះត្រូវបានគេកាត់តរូបភាពនិងវីដេអូជាលក្ខណៈ Meme ពេញបណ្ដាអ៊ីនធឺណិត នេះដោយសារតែភាពល្បីល្បាញរបស់ភាពយន្តផលិតដោយ Netflix នេះទទួលបានការគាំទ្រយ៉ាងខ្លាំងមិនធម្មតា។ ដំណើរសាច់រឿងនេះបង្ហាញពីម្ដាយម្នាក់ឈ្មោះ Malorie ព្យាយាមការពារកូនៗរបស់នាង២នាក់ ដើម្បីជៀសចេញពីគ្រោះថ្នាក់ដែលអាចសម្លាប់មនុស្សយ៉ាងងាយ ដោយគ្រាន់តែបើកភ្នែកតែប៉ុណ្ណោះ។ បណ្ដាអ្នកទស្សនាភាពយន្តយ៉ាងច្រើនយល់ថា ភាពយន្តនេះពិតជាមានលក្ខណៈពិសេសនិងប្លែកពីភាពយន្តធម្មតា។
កាលពីខែតុលាកន្លងមកនេះ Netflix ប្រកាសថាក្រុមហ៊ុនខ្លួនមានអ្នកប្រើប្រាស់ដល់ទៅ ១៣០លានគណនី ដូច្នេះបានន័យថាចំនួនអ្នកប្រើប្រាស់ដល់ទៅ១ភាគ៣ឯណោះ ដែលបានចូលមើលរឿង "Bird Box”។ ភាពយន្តនេះសម្ដែងដោយតារាល្បីមួយរួបប្រចាំហូលីវូដគឺ Sandra Bullock និងតារារ៉េប Machine Gun Kelly ក៏បានបង្ហាញខ្លួននៅក្នុងរឿងនេះផងដែរ៕