ទីបំផុត ប្ដីប្រពន្ធ Feng Shaofeng និង Zhao Liying ប្រកាសរឿងមានកូនហើយ
- 2019-01-02 02:10:00
- ចំនួនមតិ 0 | ចំនួនចែករំលែក 0
ទីបំផុត ប្ដីប្រពន្ធ Feng Shaofeng និង Zhao Liying ប្រកាសរឿងមានកូនហើយ
ចន្លោះមិនឃើញ
តារាសម្ដែង Feng Shaofeng បានពញ្ញាក់អារម្មណ៍អ្នកគាំទ្រនៅដើមឆ្នាំថ្មី ជាមួយការប្រកាសថា ភរិយារបស់លោកកំពុងមានផ្ទៃពោះហើយ។ បើទោះបីជា តារាសម្ដែង Zhao Liying ត្រូវបានសង្ស័យថាមានផ្ទៃពោះ ចាប់តាំងពីពេលពួកគេរៀបការក្នុងខែតុលាកន្លងទៅក្ដី ប៉ុន្តែគូស្នេហ៍តារាមួយគូនេះ នៅតែព្យាយាមគេច និងបដិសេធរាល់ពាក្យចចាមអារ៉ាមទាំងនោះ ដោយមិនព្រមបញ្ចេញការឆ្លើយតបអ្វីទាំងអស់។
រហូតមកដល់ថ្ងៃទី ០១ ខែមករា ឆ្នាំ២០១៩នេះ តារាសម្ដែង Shaofeng បានសរសេរប្រកាសលើបណ្ដាញសង្គម Weibo របស់លោកថា៖ "តើអ្នកទាំងអស់គ្នាដឹងទេ? តើដឹងទេ? ពួកយើងឥឡូវក្លាយជាគ្រួសារមានសមាជិក៣នាក់ហើយ"។ ជាមួយគ្នានោះដែរ ភរិយារបស់លោក Liying បានធ្វើការឆ្លើយតបភ្លាមៗថា៖ "រង់ចាំមើលទៅ រង់ចាំមើលទាំងអស់គ្នា។ ស្វាគមន៍ឆ្នាំថ្មី ២០១៩!”។
ទោះបីជា គូស្នេហ៍មួយគូនេះ មិនបានបង្ហាញពីភេទ និងថ្ងៃសម្រាលរបស់កូនពួកគេក៏ពិតមែន តែបើតាមសារព័ត៌មានរបស់ប្រទេសចិនមួយចំនួនបានដាក់ការសង្ស័យថា Zhao Liying មានទម្ងន់ប្រហែល ៧ ខែហើយ និងអាចសម្រាលនៅខែមីនាខាងមុខនេះ។ គួររម្លឹកដែរថា តារាសម្ដែង Feng Shaofeng និង Zhao Liying បានប្រកាសរៀបការនឹងគ្នាស្របច្បាប់កាលពីខែតុលា ឆ្នាំ២០១៨ ដោយគ្មានការរៀបចំពិធីធំដុំអ្វីទាំងអស់៕