ឆ្លងឆ្នាំនៅស៊ីដនី បាញ់កាំជ្រួចធំបំផុតឡើងឡូយ តែបែរជួបរឿងហួសចិត្ត១ (មានវីដេអូ)
- 2019-01-02 02:16:23
- ចំនួនមតិ 0 | ចំនួនចែករំលែក 0
ឆ្លងឆ្នាំនៅស៊ីដនី បាញ់កាំជ្រួចធំបំផុតឡើងឡូយ តែបែរជួបរឿងហួសចិត្ត១ (មានវីដេអូ)
ចន្លោះមិនឃើញ
ក្នុងពិធីបុណ្យឆ្លងឆ្នាំនៅទីក្រុងស៊ីដនីប្រទេសអូស្ត្រាលី មានការបាញ់កាំជ្រួចដ៏ធំបំផុតមួយដែលទទួលបានការចាប់អារម្មណ៍ទូទាំងពិភពលោក លើកលែងតែរឿងគួរឲ្យហួសចិត្តមួយប៉ុណ្ណោះ គឺការដាក់ឆ្នាំខុស។
យ៉ាងហោចណាស់មានមនុស្សជាង ១,៥លាននាក់ បានទៅចូលរួមពិធីឆ្លងឆ្នាំនៅទីក្រុងស៊ីដនីដើម្បីមើលទិដ្ឋភាពកាំជ្រួចដ៏ស្រស់ស្អាត។ ប៉ុន្តែសម្រាប់រឿងដែលនឹកស្មានមិនដល់នោះគឺ នៅលើបដាតាមបង្គោលភ្លើងបែរជាសរសេរថា "សួស្ដីឆ្នាំថ្មី ២០១៨" ទៅវិញ។ រូបភាពនេះ ត្រូវបានចែកចាយពេញបណ្ដាញសង្គម ហើយទទួលការរិះគន់យ៉ាងច្រើន។
យ៉ាងណាមិញអ្នករៀបចំកម្មវិធីក្នុងទីក្រុងស៊ីដនីដែលបានចំណាយធនធាន និងពេលវេលាយ៉ាងច្រើនសន្ធឹកសន្ធាប់ បានទទួលស្គាល់កំហុសឆ្គងនេះហើយសង្ឃឹមថានឹងមិនធ្វើឲ្យមានរឿងដូចគ្នានេះកើតឡើងនៅឆ្នាំក្រោយនោះទេ។
គួរឲ្យដឹងថា ការបាញ់កាំជ្រួចនៅទីក្រុងស៊ីដនី មានរយៈពេលរហូតដល់ ១២នាទីដែលជាការបាញ់ធំបំផុតក្នុងទីក្រុង ហើយចំណាយទឹកប្រាក់ដល់ជាង ៣លានដុល្លារផងដែរ៕