មកដល់ទៀតហើយ ព្រឹត្តិការណ៍ធំបំផុត Tiger Street Football Festival 2019

2019-01-02 03:08:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់ដ៏ធំបំផុតប្រចាំប្រទេសកម្ពុជា Tiger Street Football Festival 2019 នឹងចាប់ផ្តើមដំណើរការប្រកួតចុងសប្ដាហ៍នេះហើយដើម្បីជ្រើសរើសក្រុមខ្លាំងមកពីខេត្តនានាឡើងមកប្រកួតជុំផ្តាច់ព្រ័ត្រនៅរាជធានីភ្នំពេញស្វែងរកម្ចាស់ជយលាភីដែលមានប្រាក់រង្វាន់១៥ ០០០ដុល្លារអាមេរិក។

សកម្មភាពប្រកួតកាលពីឆ្នាំ២០១៨

ការប្រកួតឆ្នាំ២០១៩នេះត្រូវបានបង្កើនឡើងរហូតដល់៩តំបន់ដើម្បីតម្រូវតាមការរីកចម្រើននៃកីឡាបាល់ទាត់ និងមានយុវជនចាប់អារម្មណ៍លេងកាន់តែច្រើន។ តំបន់ទាំង៩មានដូចខាងក្រោម៖

មណ្ឌល ខេត្តព្រះសីហនុ ៖ មណ្ឌលនេះក្រុមខេត្តព្រះសីហនុ កំពត កែប និងកោះកុងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៥-៦ ខែមករា។
មណ្ឌល ខេត្តតាកែវ ៖ មណ្ឌលនេះក្រុមខេត្ត តាកែវ ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៣ ខែមករា។
មណ្ឌល ខេត្តកំពង់ស្ពឺ ៖ មណ្ឌលនេះក្រុមខេត្តកំពង់ស្ពឺ ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២០ ខែមករា។
មណ្ឌល ខេត្តបាត់ដំបង ៖ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២៦ ២៧ ខែមករា។
មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។

លក្ខខ័ណ្ឌសំខាន់ៗសម្រាប់ក្រុមចុះឈ្មោះចូលរួមប្រកួត

កីឡាករអាយុ១៨ឆ្នាំឡើងដែលមានឆ្នាំកំណើតពី២០០១។
កីឡាករម្នាក់លេងបានតែមួយក្រុមសម្រាប់ឆ្នាំ២០១៩។
ក្រុមត្រូវមានរចនាសម្ពន្ធដឹកនាំ និងអាសយដ្ឋានទំនាក់ទំនងត្រឹមត្រូវ។
កីឡាករទាំងអស់ត្រូវមានអត្តសញ្ញាណប័ណ្ណប្រជាជន។
ត្រូវបំពេញពាក្យចុះឈ្មោះចូលរួមប្រកួតត្រឹមត្រូវ។
ត្រូវចុះបញ្ជីកីឡាករឡើងវិញរយៈពេលយ៉ាងតិច៣០នាទីមុនការប្រកួតនីមួយៗរបស់ខ្លួន។
ក្រុមមួយត្រូវមានកីឡាករមិនលើស៧នាក់។ ក្នុងចំណោម៧នាក់ត្រូវមានអ្នកដឹកនាំ ឬប្រធានក្រុមដែលមានសិទ្ធិចូលលេងទាំងអស់គ្នា។
មិនអនុញ្ញាតឲ្យផ្លាស់ប្ដូរសមាសភាព ក្រោយការទទួលពាក្យបានបញ្ចប់។ លុះត្រាតែកីឡាករមានជំងឺ ឬរបួសដែលបញ្ជាក់ពីគ្រូពេទ្យទើបត្រូវបានអនុញ្ញាត។
មានសិទ្ធិចុះឈ្មោះកីឡាករបរទេសតែ២នាក់ប៉ុណ្ណោះ។ កីឡាករបរទេសត្រូវមានលិខិតឆ្លងដែនដែលមានសុពលភាពយ៉ាងតិច៦ខែគិតចាប់ពីថ្ងៃចុះឈ្មោះចូលរួមប្រកួត។
កីឡាករធ្លាប់លេង និងកំពុងលេងលីគកម្ពុជាឆ្នាំ២០១៦ ២០១៧ និង២០១៨មិនអនុញ្ញាតឲ្យចូលរួមប្រកួតឡើយ។

ព័ត៌មានលំអិត និងយកពាក្យចូលរួមប្រកួត សូមចូល៖ Tiger Street Football Festival 2019