ក្រុមហ៊ុនមួយគ្រោងជួយអភិវឌ្ឍក្រុងព្រះសីហនុឲ្យកា្លយជាតំបន់ឧស្សាហកម្មបច្ចេកវិទ្យាជាន់ខ្ពស់

2019-01-02 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនមួយគ្រោងអភិវឌ្ឍក្រុងព្រះសីហនុឲ្យកា្លយជាតំបន់ឧស្សាហកម្មបច្ចេកវិទ្យាជាន់ខ្ពស់ និងជួយជំរុញឲ្យក្រុងជាប់មាត់សមុទ្រមួយនេះក្លាយជាកំពង់ផែអន្តរជាតិកាន់តែទំនើបមួយតាមរយៈការនាំយកក្រុមហ៊ុនបច្ចេកវិទ្យាធំៗលើពីភពលោកមកវិនិយោគ។

អគារ ព្រីនស៍ អាយធី បៀលឌីង ជាគម្រោងវិនិយោគដ៏ធំរបស់ក្រុមហ៊ុន ព្រីនស៍ រៀល អ៊ីស្ទេត គ្រុប ហើយអគារមួយនេះក៏ជាគម្រោងសំខាន់មួយក្នុងវិស័យបច្ចេកកវិទ្យាជាន់ខ្ពស់របស់ក្រុមហ៊ុន ព្រីនស៍ រៀល អ៊ីស្ទេត គ្រុប ដូចគ្នា។ អគារ ព្រីនស៍ អាយធី បៀលឌីង បានប្រារព្ធពិធីបញ្ចាប់ការសាងសង់គ្រោងអគារជាស្ថាពរកាលពីថ្ងៃទី២៨ ខែធ្នូ ឆ្នាំ២០១៨។

អគារ ព្រីនស៍ អាយធី បៀលឌីង នឹងដឹកនាំក្រុងទេសចរណ៍ជាប់មាត់សមុទ្រមួយនេះឲ្យក្លាយជាទីក្រុងអភិវឌ្ឍន៍ក្នុងវិស័យឧស្សាហកម្មព័ត៌មានវិទ្យា អ៊ិនធឺណេត បច្ចេកវិទ្យាទំនើបៗ និងឧស្សាហកម្មទំនើបៗផ្សេងទៀត។

ក្រៅពីនេះអគារ ព្រីនស៍ អាយធី បៀលឌីង ក៏នឹងជួយជំរុញក្រុងព្រះសីហនុឲ្យក្លាយជាកំពង់ផែអន្តរជាតិកាន់តែទំនើប តាមរយៈការនាំយកការវិនិយោគរបស់ក្រុមហ៊ុនព័ត៌មានវិទ្យាមានឈ្មោះល្បីៗនៅលើពិភពលោកមកវិនិយោគនៅក្រុងជាប់មាត់សមុទ្រមួយនេះ។

គួរបញ្ជាក់ថា អគារ ព្រីនស៍ អាយធី បៀលឌីង មានទីតាំងនៅចំណុចកណ្តាលនៃក្រុងព្រះសីហនុ និងជាប់រង្វង់មូលតោពីរ ដែលជានិមិត្តរូបនៃក្រុងព្រះសីហនុ និងសណ្ឋាគារលំដាប់ផ្កាយប្រាំ ព្រីនស៍ ថាម ហូថេល។ អគារនេះសាងសង់លើផ្ទៃដីសុបជិត៦ម៉ឺនម៉ែត្រការ៉េ។

បច្ចុប្បន្ន ក្រុមហ៊ុន ព្រីនស៍ រៀល អ៊ីស្ទេត គ្រុប បានបង្កើតគម្រោងអគារចម្រុះបែបទីក្រុងខ្នាតធំជាច្រើននៅរាជធានីភ្នំពេញ រួមមានព្រីនស៍ ម៉ូឌើន ផ្លាហ្សា មជ្ឈមណ្ឌល ព្រីនស៍ ផ្លាហ្សា ព្រីនស៍ អ៊ីនធើណាសិនណល ផ្លាហ្សា ជាដើម ដែលសុទ្ធតែទទួលបានការពេញនិយមពីសំណាក់វិនិយោគិនបរទេស។ គម្រោងទាំងអស់របស់ក្រុមហ៊ុន ព្រីនស៍ រៀល អ៊ីស្ទេត គ្រុប មានផ្ទៃក្រឡាសាងសង់សរុបលើសពី ២,៥៦លាន ម៉ែត្រការ៉េហើយបច្ចុប្បន្ន ដែលក្នុងនោះគ្របដណ្តប់លើឧស្សាហកម្មជាច្រើនរួមមាន អគារស្នាក់នៅ អគារការិយាល័យ ពាណិជ្ជកម្ម សណ្ឋាគារ ក្លឹបកម្សាន្ត និងសួនឧស្សាហកម្ម។ ចំណែកគម្រោងស្នាក់នៅដែលបាននឹងកំពុងធ្វើការលក់មានផ្ទៃក្រឡាសាងសង់សរុបជាង ៧៦,៦៩ ម៉ឺនម៉ែត្រការ៉េ និងមានខុនដូរហូតដល់ ៤ ៣៥៨ យូនីត។ នាថ្ងៃខាងមុខ ដោយផ្អែកលើចក្ខុវិស័យជាប្រតិបត្តិករទីក្រុង ក្រុមហ៊ុន ព្រីនស៍ រៀល អ៊ីស្ទេត គ្រុប នឹងបន្តអភិវឌ្ឍគម្រោងដែលមានគុណភាពជាច្រើនទៀត ដើម្បីផ្តល់សេវាកម្មដល់ប្រជាពលរដ្ឋកម្ពុជា និងរួមគ្នាកសាងប្រទេសកម្ពុជាឲ្យកាន់តែប្រសើរ៕

អត្ថបទ៖ ទូច សុខា