តម្លៃទាំងទូរសព្ទ iPhone និង Android នឹងថ្លៃជាងមុនក្នុងឆ្នាំ ២០១៩

2019-01-04 22:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំមុនតម្លៃស្មាតហ្វូនកំពូលៗចុងក្រោយពី Apple និង Samsung មានដល់ខ្ទង់ពាន់ ដែលភ្ជាប់មកជាមួយនូវមុខងារល្អ និងលក្ខណៈសម្បត្តិគួរឲ្យកត់សម្គាល់។

បានឮខ្លះៗហើយ ពីគំរូទូរសព្ទប្រើបណ្ដាញ 5G, ទូរសព្ទអេក្រង់បត់បាន ឬប្រើកាមេរ៉ាច្រើនគ្រាប់ មិនធូរថ្លៃជាងមុននោះទេ ជាមួយការបំពាក់បច្ចេកវិទ្យាទំនើបៗ។ ក្នុងនោះក៏អាចមានពីក្រុមហ៊ុន Google, Huawei និង OnePlus ដែរ ចំពោះការកើនឡើងតម្លៃនេះ។

ឧទាហរណ៍ជាក់ស្តែងពីការកើនតម្លៃ iPhone XR ថ្លៃជាង ៧% ពី iPhone 8 ឆ្នាំមុន និងថ្លៃជាង ១៥% ពី iPhone 7។ចំពោះ OnePlus 6T ថ្លៃជាង ៣.៨% ពី OnePlus 6។

នេះជាទិន្នន័យតម្លៃប្រែប្រួលនៃស្មាតហ្វូននៅសហរដ្ឋអាមេរិកពីឆ្នាំ ២០១៦ ទៅ ២០១៨

នេះជាទិន្នន័យតម្លៃប្រែប្រួលនៃស្មាតហ្វូននៅចក្រភពអង់គ្លេសពីឆ្នាំ ២០១៦ ទៅ ២០១៨

តាមតារាងតម្លៃនេះ បង្ហាញថាតម្លៃស្មាតហ្វូនពីមួយឆ្នាំទៅមួយឆ្នាំមានការប្រែប្រួលឡើង មិនមែនចុះនោះទេ។ ស្មាតហ្វូនបន្តប្រើបច្ចេកវិទ្យាចុងក្រោយ ដែលមានការចំណាយច្រើនទៅលើវត្ថុធាតុដើមល្អៗជាងមុន កិច្ចការស្រាវជ្រាវ ដំណើរការផលិត និងការផ្សព្វផ្សាយ។ ហើយបើសង្ឃឹមថា ម៉ូដែលក្រោយធូរថ្លៃជាងនេះ ប្រហែលមិនអាចទៅរួចនោះឡើយ៕