ចាប់គូរួចហើយ! ៥៤ក្រុមនឹងរំភើបរីករាយខេត្តព្រះសីហនុព្រឹកស្អែក

2019-01-04 11:14:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ការកំណត់ក្រុមចូលរួមប្រកួតប្រចាំមណ្ឌលខេត្តព្រះសីហនុទទួលបានគ្រប់ចំនួនដូចការរំពឹងនៃកំពូលព្រឹត្តិការណ៍បាល់ទាត់ធំបំផុត Tiger Street Football Festival 2019 ដែលនឹងធ្វើឲ្យកក្រើកនាថ្ងៃទី៥-៦ ខែមករា ឆ្នាំ២០១៩នេះ។

ក្នុងពិធីធ្វើបទបង្ហាញលក្ខន្តិកៈ និងបទបញ្ជានៃការប្រកួត ព្រមទាំងចាប់ឆ្នោតនារសៀលថ្ងៃសុក្រ ទី៤ ខែមករា នៅសណ្ឋាគារឯករាជ្យ ខេត្តព្រះសីហនុបានបង្ហាញថា ក្រុមចុះឈ្មោះចូលរួមប្រកួតចំនួន៥៤ក្រុមដែលត្រូវតាមការកំណត់របស់គណៈកម្មការរៀបចំការប្រកួត។

លោកស្រី ថោង បវរលក្ខិណា

លោកស្រី ថោង បវរលក្ខិណា នាយកគ្រប់គ្រងស្លាកសញ្ញាផលិតផលស្រាបៀរថៃហ្គ័រ បានលើកឡើងថា នេះជាមណ្ឌលទី១នៃការប្រកួត Tiger Street Football Festival ឆ្នាំ២០១៩។ ការប្រកួតរដូវកាលទី៧នេះបានកើនឡើងដល់៧មណ្ឌល ហើយប្រាក់រង្វាន់សរុបចំនួន៥ម៉ឺនដុល្លារអាមេរិក។

លោក ប៉ិច នី នាយកគ្រប់គ្រងសកម្មភាពពាណិជ្ជកម្មស្រាបៀរថាយហ្គ័រមានប្រសាសន៍ថា ស្រាបៀរថៃហ្គ័រតែងតែនាំមកនូវកំពូលព្រឹត្តិការណ៍បាល់ទាត់ដល់ប្រទេសកម្ពុជាដែលទទួលបានការចាប់អារម្មណ៍យ៉ាងខ្លាំងពីយុវជន។ សម្រាប់មណ្ឌលខេត្តព្រះសីហនុនេះមានក្រុមចុះឈ្មោះចូលរួមប្រកួតចំនួន៥៤ ហើយត្រូវប្រកួត២ថ្ងៃដើម្បីជ្រើសរើសយក៦ក្រុមទៅប្រកួតជុំផ្តាច់ព្រ័ត្រទូទាំងប្រទេសនៅភ្នំពេញ។

លោកបញ្ជាក់ថា អ្វីដែលកាន់តែពិសេសនោះ ក្រុមដែលបានឡើងទៅលេងនៅជុំផ្តាច់ព្រ័ត្រនៅរាជធានីភ្នំពេញនឹងបានជួបផ្ទាល់អតីតកំពូលតារាបាល់ទាត់លំដាប់ពិភពលោករបស់ប្រេស៊ីល Ronaldinho។

លោក ម៉ៃ តុលា អគ្គលេខាធិការនៃសហព័ន្ធកីឡាបាល់ទាត់បានលើកឡើងថា ព្រឹត្តិការណ៍បាល់ទាត់ដ៏ធំ Tiger Street Football Festival បានដើរតួនាទីយ៉ាងសំខាន់ក្នុងការជួយអភិវឌ្ឍកីឡាបាល់ទាត់កម្ពុជាក្នុងរយៈពេលប៉ុន្មានឆ្នាំចុងក្រោយនេះ។ លោកសូមអរគុណដល់ក្រុមហ៊ុន Tiger ដែលបានចូលរួមចំណែកដ៏សំខាន់នេះ។ ឆ្លៀតក្នុងឱកាសនេះដែរ លោកក៏បានផ្តាំឲ្យប្អូនៗកីឡាករត្រូវលេងប្រកបដោយយុត្តិធម៌ គោរពតាមបទបញ្ជានៃការប្រកួត និងអស់ពីសមត្ថភាព។