ពី ៤៣-១៩២លានដុល្លារ Salah នៅលេខរៀងទី៤ក្នុងចំណោមកីឡាករថ្លៃបំផុតទាំង១០នាបច្ចុប្បន្ន
- 2019-01-05 02:15:22
- ចំនួនមតិ 0 | ចំនួនចែករំលែក 0
ពី ៤៣-១៩២លានដុល្លារ Salah នៅលេខរៀងទី៤ក្នុងចំណោមកីឡាករថ្លៃបំផុតទាំង១០នាបច្ចុប្បន្ន
ចន្លោះមិនឃើញ
ខ្សែប្រយុទ្ធ Mohamed Salah របស់ហង្សក្រហមបានស្ថិតក្នុងបញ្ជីកីឡាករដែលមានតម្លៃខ្លួនថ្លៃបំផុតនៅក្នុងពិភពបាល់ទាត់របស់ពិភពលោកនាពេលបច្ចុប្បន្ន ដែលមានតម្លៃ ១៦៨,៣ លានអឺរ៉ូ (ប្រហែល ១៩២ លានដុល្លារ)។
Salah បានកើនតម្លៃខ្លួនពី ៤៣ លានដុល្លារកាលផ្ទេរពី Roma ទៅ Liverpool កាលពីខែមិថុនារដូវក្តៅមុន ខណៈដែលតម្លៃខ្លួនខ្សែប្រយុទ្ធហង្សក្រហមនាពេលបច្ចុប្បន្នបានកើនឡើងដល់១៩២លានដុល្លារ។
យោងតាមការសិក្សារបស់ KPMG ដែលជាស្ថាប័នសវនកម្មដ៏ធំបំផុតមួយរបស់ពិភពលោក កីឡាករអេហ្ស៊ីប មានតម្លៃខ្លួនថ្លៃបំផុតលំដាប់ទី៤ក្នុងចំណោមកីឡាករថ្លៃបំផុតទាំង១០នៅឆ្នាំ២០១៩នេះ។ លេខ១គឺ Neymar ២៦១ លានដុល្លារ លេខ២គឺមិត្តរួមក្រុមរបស់គេ Kylian Mbappe ២៤៤,៩លានដុល្លារ លេខ៣គឺ Messi ២៣១,៦ លានដុល្លារ។
Cristiano Ronaldo មិនជាប់ក្នុងចំណោមកីឡាករថ្លៃបំផុតទាំង១០របស់ពិភពលោកទេ ប៉ុន្តែអតីតតារាឆ្នើម Real Madrid ស្ថិតនៅលេខរៀងទី១២ក្នុងបញ្ជីកីឡាករថ្លៃបំផុត។
ដោយឡែកកីឡាករថ្លៃបំផុតលេខរៀងទី៥ ទី៦ ទី៧បានទៅលើ Kane (១៧២,១ លានដុល្លារ) Hazard (១៦៨,៨ លានដុល្លារ) De Bruyne (១៤៧,៤ លានដុល្លារ) ដែលសុទ្ធតែស្ថិតនៅក្របខ័ណ្ឌ Premier League។ តាមពីក្រោយដោយ Griezmann លេខ៨ (១៤៣,១ លានដុល្លារ) Pogba លេខ៩ (១៣៥,៩ លានដុល្លារ) និង លេខ១០ Coutinho (១៣៤,៦ លានដុល្លារ)៕