ព្រឹកថ្ងៃបើកឆាក Tiger Street Football Festival 2019 មណ្ឌលខេត្តព្រះសីហនុតឹងតែងខ្លាំង
- 2019-01-05 02:17:59
- ចំនួនមតិ 0 | ចំនួនចែករំលែក 0
ព្រឹកថ្ងៃបើកឆាក Tiger Street Football Festival 2019 មណ្ឌលខេត្តព្រះសីហនុតឹងតែងខ្លាំង
ចន្លោះមិនឃើញ
មណ្ឌលខេត្តព្រះសីហនុនៃកំពូលព្រឹត្តិការណ៍បាល់ទាត់ Tiger Street Football Festival 2019 បានបើកដំណើរការប្រកួតនាព្រឹកថ្ងៃសៅរ៍នេះឃើញថា ការប្រកួតតឹងតែងខ្លាំងនៅលើទីលាន ប៉ុន្តែក្រោមការគាំទ្រច្រើនពីអ្នកទស្សនា។
ការប្រកួតស្ថិតនៅលើទីលាន Tiger Street Football Festival ថ្មីសន្លាង ស្រស់ស្អាតគួរឲ្យចាប់អារម្មណ៍ឃើញថា ការប្រកួតបើកឆាកដំបូង ក្រុមកំពង់ផែស្វយ័តព្រះសីហនុ A បានប្រើពេលតាន់តឹងបន្តិចទៀតអាចទម្លាយសំណាញ់ទីរបស់ក្រុម The Black Evil ដើម្បីឈ្នះ ៣-១។
ចំពោះការប្រកួតគូទី២កាន់តែតឹងតែងខ្លាំងជាងគូទី១នៅពេលក្រុមអូសាកូ និងក្តាមថ្មប្រើពេលវគ្គទី១ដោយគ្មានគ្រាប់បាល់ទម្លាយសំណាញ់ទីគ្នា។ ចូលវគ្គទី២រហូតដល់នាទីចុងក្រោយទើបក្រុម អូសាកូបានបំប៉ោងសំណាញ់ទីក្រុមក្តាមថ្មបាន១គ្រាប់ដើម្បីទទួលបានជ័យជម្នះតែម្តង។
ការប្រកួតជាច្រើនគូទៀតនៅតែបន្តដំណើរការជាបន្តបន្ទាប់ ហើយឃើញថា តឹងតែងខ្លាំងដោយសារក្រុមនីមួយៗមិនងាយឲ្យដៃគូប្រកួតទម្លាយសំណាញ់ទីគ្នាងាយៗនោះទេ។ ព្រឹត្តិការណ៍ Tiger Street Football Festival នេះក្រុមដែលឈ្នះឡើងវគ្គបន្ត ខណៈក្រុមដែលចាញ់អស់ឱកាសហើយ។
បើនិយាយពីអ្នកគាំទ្រវិញពិតជាគួរឲ្យកោតសរសើរដោយបានមកគាំទ្រលើកទឹកចិត្តដល់ក្រុមជាទីស្រលាញ់របស់ខ្លួនយ៉ាងច្រើនកុះករ។ ទីលានដែលត្រូវបានធ្វើឡើងនៅជិតឆ្នេរអូរឈើទាល់អង្គុយ ឈរទស្សនាជុំវិញតែម្តង បើទោះជាព្រះអាទិត្យបានចែងចាំងកម្តៅបន្តិចក៏ដោយ។
សម្រាប់ការប្រកួតមណ្ឌលខេត្តព្រះសីហនុនេះមានក្រុមទាំងអស់ចូលរួមប្រកួតចំនួន៥៤ក្រមដែលត្រូវពេល២ថ្ងៃ ហើយជ្រើសរើសយក៦ក្រុមទៅប្រកួតជុំផ្តាច់ព្រ័ត្រទូទាំងប្រទេសនៅរាជធានីភ្នំពេញ៕
សូមទស្សនាការប្រកួតដែលផ្សាយផ្ទាល់លើផេកផ្លូវការរបស់ Tiger