ក្រុមមានកីឡាករហុល្លង់លត់ Diamond ៥-១ ពាន Tiger Street Football Street 2019 មណ្ឌលព្រះសីហនុ

2019-01-05 10:19:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ Villa Vedici រកបាន៥គ្រាប់ក្នុងជ័យជម្នះលើក្រុម Dianmond FC ដោយលទ្ធផល ៥-១ ដើម្បីបន្តឱកាសឡើងទៅប្រកួតថ្ងៃទី២នៃព្រឹត្តិការណ៍បាល់ទាត់ Tiger Street Football Festival 2019 នៅមណ្ឌលខេត្តព្រះសីហនុ។

ការប្រកួតរវាង Villa Vedici (អាវប្រផេះ) និង Dianmond (អាវពណ៌ត្រួចចេក)

ក្នុងការប្រកួតនេះ ក្រុម Villa Vedici ដែលមានកីឡាករជនជាតិហុល្លង់២នាក់លេងយល់ចិត្តគ្នាយ៉ាងល្អឥតខ្ចោះទាំងពីរវគ្គ។ កីឡាករគួរឲ្យកត់់សំគាល់នោះគឺ Sjors Van Zoggel រកបាន៥គ្រាប់ម្នាក់ឯងក្នុងជ័យជម្នះនេះ។ តាមលទ្ធផលគ្រាប់បាល់នេះត្រូវបានគេមើលឃើញថា ជនជាតិហុល្លង់រូបនេះក្លាយជាកីឡាករដែលរកគ្រាប់បាល់បានច្រើនគេគិតត្រឹមល្ងាចថ្ងៃសៅរ៍នេះ។ ក្រុមនេះត្រូវបានគេគិតថាជាក្រុមគួរឲ្យចាប់អារម្មណ៍ជាងគេក្នុងព្រឹត្តិការណ៍ប្រចាំមណ្ឌលព្រះសីហនុ ហើយជាក្រុមដែលអាចឈ្នះកៅអីឡើងទៅប្រកួតជុំផ្តាច់ព្រ័ត្រទូទាំងប្រទេសនៅរាជធានីភ្នំពេញនាខែមីនាខាងមុខ។

ការប្រកួតរវាង Villa Vedici (អាវប្រផេះ) និង Dianmond (អាវពណ៌ត្រួចចេក)

ការប្រកួតដែលប្រព្រឹត្តទៅកក្រើកទីលានជិតឆ្នេរអូរឈើទាល់នឹងបន្តរហូតដល់ប្រហែលជាម៉ោង៧យប់ទើបសម្រាកការប្រកួត និងស្វែងរកក្រុមបន្តទៅប្រកួតថ្ងៃអាទិត្យ ទី៦ខែមករាស្អែកនេះដែលជាថ្ងៃចុងក្រោយ។ តាមការគ្រោងទុក ការប្រកួតនឹងដំណើរការចំនួន៤០ប្រកួតទើបចប់សម្រាប់ថ្ងៃទី១នេះ។

ការប្រកួតរវាង Villa Vedici (អាវប្រផេះ) និង Dianmond (អាវពណ៌ត្រួចចេក)

អ្វីដែលពិសេសរីករាយសម្រាប់អ្នកគាំទ្រ ល្ងាចថ្ងៃសៅរ៍នេះនឹងមានការប្រកួតតន្ត្រីដែលចូលរួមសម្តែងដោយកំពូលតារាចម្រៀងល្បីៗជួរមុខសម្តែងជូនទស្សនា។ លោកអ្នកនឹងបានជួបកំពូលតារាចម្រៀង ណុប បាយ៉ារិទ្ធ, ឈិន ម៉ានិច, សុខ ស្រីនាង,បាន មុន្នីល័ក្ខ និង នី រតនា ជាដើម។

សូមបញ្ជាក់ថា ព្រឹត្តិការណ៍បាល់ទាត់ Tiger Street Football Festival 2019 កំពុងដំណើរកាតប្រកួតនៅខេត្តព្រះសីហនុដែលជាមណ្ឌលទី១ ហើយត្រូវជ្រើសរើសយក៦ក្រុមទៅជុំផ្តាច់ព្រ័ត្រនៅរាជធានីភ្នំពេញ។

ការប្រកួតរវាង Villa Vedici (អាវប្រផេះ) និង Dianmond (អាវពណ៌ត្រួចចេក)

បន្ទាប់ពីចប់មណ្ឌលខេត្តព្រះសីហនុ Tiger Street Football Festival 2019 នឹងបន្តដំណើរទៅរៀបចំការប្រកួតនៅមណ្ឌលទី២គឺខេត្តតាកែវ ថ្ងៃអាទិត្យ ទី១៣ ខែមករា សប្តាហ៍ក្រោយ។