Van Gaal អតីតគ្រូ United ថាបើឲ្យចាក់នរណាឈ្នះពានលោកនឹងយក Liverpool
- 2019-01-06 07:42:47
- ចំនួនមតិ 0 | ចំនួនចែករំលែក 0
Van Gaal អតីតគ្រូ United ថាបើឲ្យចាក់នរណាឈ្នះពានលោកនឹងយក Liverpool
ចន្លោះមិនឃើញ
Louis van Gaal ជឿជាក់ថាស្ទីលលេង Liverpool ក្រោមការដឹកនាំរបស់លោក Jurgen Klopp មានប្រៀបជាងស្ទីលលេងរបស់ Manchester City ក្រោមការដឹកនាំរបស់លោក Pep Guardiola ក្នុងការដណ្ដើមពាន Premier League។
City ទើបធ្វើឲ្យការប្រជែងពាននៅ Premier League ក្រោយយកឈ្នះ Liverpool ២ទល់នឹង១នាពេលកន្លងទៅបន្ថយគម្លាតពី៧ មកនៅត្រឹម៤ពិន្ទុប៉ុណ្ណោះ។ បើសិនចាញ់ Liverpool គម្លាតនឹងកើនដល់១០ពិន្ទុដូច្នេះមានន័យថាក្របខ័ណ្ឌកំពូលអង់គ្លេសនឹងលែងល្អមើលហើយព្រោះដាច់គ្នាឆ្ងាយពេក។
យ៉ាងណា Van Gaal អតីតអ្នកចាត់ការបិសាចក្រហមនៅតែជឿថា Liverpool គឺជាក្រុមលើកពាននៅចុងរដូវកាលនេះបើទោះ City បានបញ្ចប់កំណត់ត្រាមិនដែលចាញ់របស់ពួកគេក៏ដោយ លោកថែមទាំងនិយាយថាហ៊ានភ្នាល់ដោយចាប់យកខាង Liverpool។
“Klopp អាចស្ដារស្ថានភាពរបស់ Liverpool ឲ្យទៅជាក្រុមប្រយុទ្ធដ៏ខ្លាំងក្លាបាន បើសិនចង់ចាក់ ខ្ញុំនឹងយកខាង Liverpool ជាក្រុមដែលលើកពាន។ មែនទែនទៅ City ល្អ និងមានកីឡាករសំបូរដោយគុណភាពតែ Pep គាត់មានកំហុសត្រង់បង្វឹកកីឡាករឲ្យតែប្រយុទ្ធ ងាកទៅខ្សែការពារវិញនៅទន់ខ្សោយជាង Liverpool"។ បុរសសញ្ជាតិហូឡង់និយាយ៕