តិចនិក ៥ ជួយបន្ថយកម្រិតប្រើ ថាមពលអគ្គិសនីម៉ាស៊ីនត្រជាក់

2019-01-08 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តម្រូវការប្រើប្រាស់ម៉ាស៊ីនត្រជាក់មានច្រើនគួរសម ព្រោះអាចជួយសម្រួលសីតុណ្ហភាពក្នុងបន្ទប់ ជាពិសេសខែក្តៅ។

លោក Forrest Anderson បានបង្ហាញបច្ចេកទេសមួយចំនួនជួយរក្សាតម្រូវការថាមពលអគ្គិសនីម៉ាសុីនត្រជាក់ចុះទាប និងនៅត្រជាក់។

១) ប្តូរតម្រង (Filter)

តម្រងខ្យល់ គួរធ្វើការផ្លាស់ប្ដូរ ១ខែ មួយដង ជាពិសេសនៅរដូវក្តៅ ព្រោះមានធូលីច្រើនក្នុងខ្យល់។ តម្រងខ្យល់ស្ទះ ធ្វើឲ្យប្រព័ន្ធម៉ាស៊ីនត្រជាក់ប្រឹងដំណើរការខ្លាំង ដើម្បីរក្សានូវបរិមាណខ្យល់ត្រជាក់។

២) កុំឲ្យឧបករណ៍ស្ទង់សីតុណ្ហភាពត្រូវក្តៅ

ឧបករណ៍ស្ទង់សីតុណ្ហភាព (Thermostat) វាស់កម្រិតសីតុណ្ហភាពនៅខាងក្នុងផ្ទះ និងប្រាប់ប្រព័ន្ធម៉ាស៊ីនត្រជាក់ ដូចនេះគួរប្រាកដថាទិន្នន័យសីតុណ្ហភាពត្រឹមត្រូវ។ កុំឲ្យពន្លឺព្រះអាទិត្យជះលើឧបករណ៍នេះ ដែលអាចឲ្យម៉ាស៊ីនត្រជាក់ ដំណើរការយូរមិនចាំបាច់។ ឧបករណ៍អេឡិចត្រូនិកដទៃទៀត ដែលបញ្ចេញកម្តៅ ពុំគួរដាក់ក្បែរនឹង Thermostat នោះទេ។

៣) ការពារពន្លឺព្រះអាទិត្យ

ប្រើវាំងនន បិទបាំងពន្លឺព្រះអាទិត្យជះចូលក្នុងផ្ទះ បង្ការកុំឲ្យសីតុណ្ហភាពកើនឡើងក្នុងផ្ទះ។ ការដាំដើមឈើ ក្បែរបង្អួច ក៏ចូលរួមចំណែកកាន់បន្ថយកម្រិតប្រើប្រាស់អគ្គិសនីដែរ ហើយស្អាតទៀត។

៤) កុំបាំងលំហូរខ្យល់

ដើម្បីជួយដល់លំហូរខ្យល់ ងាយស្រួលឲ្យប្រព័ន្ធម៉ាស៊ីនត្រជាក់ដំណើរការ រក្សាគម្លាតវត្ថុនានានៅក្បែរនឹងម៉ាស៊ីនត្រជាក់ខាងក្រៅពី ២ ទៅ ៤ហ្វីត។

៥) ប្រើកង្ហារភ្ជាប់ពិដានជំនួយ

គួរប្រើកង្ហារជាប់ពិដាន ដើម្បីជួយរក្សាខ្យល់ត្រជាក់ សម្រាលបន្ទុកដល់ម៉ាស៊ីនត្រជាក់៕