ទង្វើមួយចំនួនដែលអ្នកគួរជៀសវាង ដើម្បីបង្ការកុំឲ្យ ទូរសព្ទផ្ទុះថ្ម
- 2019-01-08 03:58:00
- ចំនួនមតិ 0 | ចំនួនចែករំលែក 0
ទង្វើមួយចំនួនដែលអ្នកគួរជៀសវាង ដើម្បីបង្ការកុំឲ្យ ទូរសព្ទផ្ទុះថ្ម
ចន្លោះមិនឃើញ
ថ្មបំពាក់ក្នុងស្មាតហ្វូន អាចជួយធានាការប្រើប្រាស់បានយូរអង្វែង ដែលជាទូទៅមានការដាក់ក្បែរខ្លួនជានិច្ច។ ប៉ុន្តែចំណុចមិនល្អត្រង់ថា នៅពេលថ្មផលិតខុសបច្ចេកទេស ឬដំណើរការខុសប្រក្រតី ដោយសារសកម្មភាពប្រើប្រាស់ទូទៅ អាចបង្កហានិភ័យផ្ទុះបាន។ការផ្ទុះស្មាតហ្វូន ជាធម្មតាមកពីការឆ្លងចរន្តនូវសមាសធាតុខាងក្នុង កើនកម្តៅខ្លាំងមិនថមថយ។
១) កុំប្រើទូរសព្ទអំឡុងពេលសាកថ្ម។ ពេលសាកថ្មទូរសព្ទនឹងកើនកម្តៅ ហើយបើបន្តប្រើកាន់តែធ្វើឲ្យទូរសព្ទកើនកម្តៅបន្ថែម។
២) ប្រើតែឆ្នាំងសាកស្រ៊ីន។ ក្រុមហ៊ុនផលិតឧបករណ៍តែងតែមានការណែនាំឲ្យអ្នកប្រើប្រាស់ប្រើឆ្នាំងសាកមកជាមួយឧបករណ៍ក្នុងប្រអប់។ ឆ្នាំងសាកផ្សេងក៏អាចប្រើបានដែរ ប៉ុន្តែត្រូវប្រាកដថាមានប្រភពក្រុមហ៊ុនច្បាស់លាស់។
៣) កុំប្រើឆ្នាំងសាក Tablet ជាមួយស្មាតហ្វូន។ កម្រិតថាមពលមានភាពខុសគ្នា អាចនឹងធ្វើឲ្យថ្មលើឧបករណ៍កើនកម្តៅ ឬខូចថ្ម។
៤) ពេលសាកបាន ១០០% ត្រូវដកចេញ ដោយសារការសាកទុកចោលអាចនឹងធ្វើឲ្យថមថយគុណភាពថ្មបាន។
៥) ប្រើតែថ្មស្រ៊ីន។ ថ្មមានប្រភពមិនច្បាស់លាស់ អាចនឹងធ្វើឲ្យឧបករណ៍មានបញ្ហាបាន។
៦) កុំប្រើថ្មដែលខូចទ្រុងទ្រាយ។ បើធ្លាប់ធ្លាក់ទូរសព្ទប៉ះត្រូវផ្នែកខាងក្រោយ គួរយកទៅជួបជាង ក្នុងការពិនិត្យ ប្រាកដថាថ្មមិនខូចទ្រុងទ្រាយ។
៧) គួរជៀសវាងប្រើថ្មជំនួយ (Power Bank) ជាមួយស្មាតហ្វូនតម្លៃថ្លៃរបស់អ្នក មានប្រភពមិនច្បាស់លាស់។
៨) មានឆ្នាំងសាក និងថ្មស្រ៊ីន ប៉ុន្តែក៏គួរមើលដែរ ចំពោះប្រ៊ីភ្លើងសាក ប្រាកដថាមិនធ្លាប់ឆេះខ្មៅ។
៩) ពេលសាកថ្ម ពុំគួរដាក់ក្បែរខ្លួននោះទេ។ គួរជ្រើសរើសកន្លែងទូលាយ នឹងឆ្ងាយពីខ្លួនប្រហែល ១០ហ្វីត។
១០) កុំឲ្យទូរសព្ទត្រូវទឹក ឬសើម ហើយបើត្រូវទឹកគួរដោះថ្មចេញ បើថ្មមិនអាចដោះបាន គួរទុកចោលដោយកុំចុចបើកប្រព័ន្ធ។ អាចសាកបើកបាន ក្រោយ ២៤ម៉ោង៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ