ក្ដៅសាច់! Arsenal ត្រូវធ្វើជាម្ចាស់ផ្ទះទទួល Man Utd នៅ FA Cup ជុំទី៤
- 2019-01-08 03:54:00
- ចំនួនមតិ 0 | ចំនួនចែករំលែក 0
ក្ដៅសាច់! Arsenal ត្រូវធ្វើជាម្ចាស់ផ្ទះទទួល Man Utd នៅ FA Cup ជុំទី៤
ចន្លោះមិនឃើញ
ក្លឹបកាំភ្លើងធំ Arsenal បានចាប់ឆ្នោតធ្វើជាម្ចាស់ផ្ទះប៉ះជាមួយក្លឹបបិសាចក្រហម Manchester United នៅពានរង្វាន់ FA Cup ជុំទី៤។
ការប្រកួតពាន FA Cup បានបញ្ចប់ជុំទី៣កាលពីយប់មិញ ដោយគូចុងក្រោយ Liverpool បានធ្លាក់ចេញដោយសារក្រុម Wolverhampton លទ្ធផល ២-១។ យ៉ាងណាគេមិនទាន់រកឃើញក្រុមឡើងមកអស់ទេ ដោយសារប្រកួតទី១របស់ពួកគេស្មើ ដូច្នេះត្រូវលេងប្រកួតទី២ដើម្បីកាត់សេចក្ដីឡើងមកជុំទី៤។
ក្រោយចប់ការប្រកួតគូនេះក៏មានការចាប់ឆ្នោតជុំទី៤ភ្លាមៗ ក្នុងនោះគូដែលចាប់អារម្មណ៍បំផុត Arsenal ត្រៀមធ្វើម្ចាស់ផ្ទះជួបក្រុមកំពុងឡើងជើង Man Utd។
ក្រុមទាំងពីរជាក្រុមជោគជ័យខ្លាំងបំផុតក្នុងពាន FA Cup ដោយ Arsenal ធ្លាប់គ្រងជាម្ចាស់ពាន១៣ដង ខណៈ United ១២ដង។ សម្រាប់ការចាប់គូផ្សេងក្លឹប Gillingham ដែលលេងនៅ League One ត្រូវជួប Swansea City ក្រោយទម្លាក់ Cardiff។ Manchester City ម្ចាស់ជើងឯក Premier League ជួប Burnley ស្របពេល Crystal Palace ត្រូវស្វាគមន៍ Tottenham។ ម្ចាស់ជើងឯក FA Cup ឆ្នាំមុន Chelsea អាចជួប Sheffield Wednesday ឬ Luton Town ដែលត្រូវប្រកួតទី២ ក្រោយក្រុមទាំងពីរស្មើគ្នា៕
ខាងក្រោមជាការចាប់ឆ្នោតជុំទី៤ FA Cup
Swansea v Gillingham
Wimbledon v West Ham
Shrewsbury ឬ Stoke v Wolves
Millwall v Everton
Brighton v West Brom
Bristol City v Bolton
Accrington v Derby or Southampton
Doncaster v Oldham
Chelsea v Sheffield Wednesday ឬ Luton
Newcastle ឬ Blackburn v Watford
Middlesbrough v Newport
Manchester City v Burnley
Barnet v Brentford
Portsmouth v QPR
Arsenal v Manchester United
Crystal Palace v Tottenham