Salah ឈ្នះពាន កីឡាករឆ្នើមទ្វីបអាហ្វ្រិក២ឆ្នាំជាប់គ្នា
- 2019-01-09 01:42:40
- ចំនួនមតិ 0 | ចំនួនចែករំលែក 0
Salah ឈ្នះពាន កីឡាករឆ្នើមទ្វីបអាហ្វ្រិក២ឆ្នាំជាប់គ្នា
ចន្លោះមិនឃើញ
Mohamed Salah របស់ Liverpool ត្រូវបានបោះឆ្នោតជាប់ជាកីឡាករឆ្នើមប្រចាំទ្វីបអាហ្វ្រិក African Football Player of the Year សម្រាប់ឆ្នាំ២០១៨។
ខ្សែប្រយុទ្ធវ័យ២៦ឆ្នាំលើកពានខាងលើក្រោយយកឈ្នះមិត្តរួមក្រុម Sadio Mane របស់សេណេហ្គាល់ និង Pierre-Emerick Aubameyang របស់ក្រុមជម្រើសជាតិនៃប្រទេសហ្គាបុង។ Salah ទទួលពានខាងលើក្នុងកម្មវិធីដែលរៀបចំឡើងនៅប្រទេសសេណេហ្គាល់កាលពីម្សិលមិញ។
នេះគឺជាលើកទីពីរហើយសម្រាប់ Salah ដែលលើកពានបុគ្គលដ៏ធំប្រចាំទ្វីបអាហ្វ្រិក។ កីឡាករសញ្ជាតិអេហ្ស៊ីបស៊ុតបញ្ចូលទី៤៤គ្រាប់ឲ្យ Liverpool កាលពីរដូវកាលមុន និងជួយក្រុមឡើងដល់វគ្គផ្ដាច់ព្រ័ត្រ Champions League។ រដូវកាលថ្មីរូបគេរកបាន១៦គ្រាប់គិតលើគ្រប់កម្មវិធីឲ្យក្រុមលោក Jurgen Klopp៕