ប្រយ័ត្នទិញអត់ទាន់គេ Vietjet បើកលក់ ១លានសំបុត្រតម្លៃចាប់ពី ០ ដុល្លារ ឡើងទៅ

2019-01-09 10:20:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីជាការបន្តអបអររដូវកាលឆ្នាំថ្មី ក្រុមហ៊ុនអាកាសចរណ៍ Vietjet បានប្រកាសពីការលក់សំបុត្រចំនួន ១ លានសំបុត្រ សម្រាប់រយៈពេលបីថ្ងៃ ដោយតម្លៃសំបុត្រមានចាប់ពី 0ដុល្លារឡើងទៅ។

សំបុត្រអាចរកទិញបានចាប់ពីពេលនេះរហូតដល់ថ្ងៃទី ១១ មករា ២០១៩ នៅក្នុងម៉ោងប្រូម៉ូសិនពិសេសចន្លោះពីម៉ោង ១ ដល់ម៉ោង ៣ រសៀល (GMT +8) ។ ប្រម៉ូសិនពិសេស អនុវត្តចំពោះ គ្រប់ផ្លូវហោះហើរអន្តរជាតិទាំងអស់រវាងប្រទេសវៀតណាម និងសិង្ហបុរី ទីក្រុងសេអ៊ូល ប៊ូសាន ដេគូ (កូរ៉េខាងត្បូង) ហុងកុង កាវស៊ីង តៃប៉ិ តាយជុង តាយណាន (កោះតៃវ៉ាន់) បាងកក ភូកេត ឈៀងម៉ៃ (ប្រទេសថៃ) កូឡាឡំពួរ (ប្រទេសម៉ាឡេស៊ី ) ទីក្រុងយ៉ាំងហ្គោន (ប្រទេសមីយ៉ាន់ម៉ា) ខេត្តសៀមរាប (ប្រទេសកម្ពុជា) និងទីក្រុងអូសាកា ទីក្រុងតូក្យូ (ប្រទេសជប៉ុន) ។ សំបុត្រមានសុពលភាពសម្រាប់ការធ្វើដំណើរចន្លោះពីថ្ងៃទី ១៤ ខែកុម្ភៈ ឆ្នាំ ២០១៩ ដល់ថ្ងៃទី ៣១ ធ្នូ ២០១៩។

សំបុត្រយន្តហោះដែលលក់ក្នុងតម្លៃពិសេសនេះអាចរកបាននៅលើ៖

គេហទំព័រ www.vietjetair.com
សម្រាប់ស្មាតហ្វូនអាចចូលមើលនៅលើ http://m.vietjetair.com
www.facebook.com/Vietjetglobal/ (ដោយគ្រាន់តែចុចលើពាក្យ 'Booking') ។ ការទូទាត់អាចត្រូវបានធ្វើឡើងយ៉ាងងាយស្រួលជាមួយនឹងប័ណ្ណឥណទាន និងប័ណ្ណឥណពន្ធ ដូចជា Visa/Mastercard/AMEX /JCB /KCP ។

ប្រម៉ូសិនពិសេសនេះគឺជាផ្នែកមួយនៃយុទ្ធនាការថ្មីរបស់ Vietjet ឈ្មោះថា "Love Connection - Love is Real Touch" ដែលផ្សារភ្ជាប់មនុស្សជាទីស្រលាញ់នៅទូទាំងតំបន់ រួមមាន ប្រទេសវៀតណាម ជប៉ុន កូរ៉េខាងត្បូង តៃវ៉ាន់ ថៃ សិង្ហបុរី ម៉ាឡេស៊ី កម្ពុជា និង ចិន ឲ្យបានជួបគ្នា។

អ្នកធ្វើដំណើរត្រូវបានអញ្ជើញឲ្យចែករំលែករឿងរ៉ាវស្នេហារបស់ខ្លួន និងចំណង់ចំណូលចិត្តរបស់ពួកគេក្នុងការធ្វើដំណើរ ដើម្បីមានឱកាសឈ្នះសំបុត្រយន្តហោះទាំងទៅទាំងមកដោយឥតគិតថ្លៃនៅតាមគោលដៅណាមួយរបស់ក្រុមហ៊ុនអាកាសចរណ៍ Vietjet ។ ការចូលរួមគឺក្នុងទម្រង់ជាការសរសេរចំនួន ១ ០០០ ពាក្យ ហើយសម្រាប់ព័ត៌មានបន្ថែមរាប់បញ្ចូលទាំងលក្ខខណ្ឌផ្សេងៗអាចរកមើលនៅត្រង់នេះ: https://loveconnection.vietjet.air/vi/ ៕

អត្ថបទ៖ ថា ម៉ាលីដា