PSG ធ្លាក់ចេញពីពាន French Cup ក្រោយចាញ់ក្រុមបាតតារាង គួរឲ្យភ្ញាក់ផ្អើល
- 2019-01-10 01:25:32
- ចំនួនមតិ 0 | ចំនួនចែករំលែក 0
PSG ធ្លាក់ចេញពីពាន French Cup ក្រោយចាញ់ក្រុមបាតតារាង គួរឲ្យភ្ញាក់ផ្អើល
ចន្លោះមិនឃើញ
ក្រុមមិនស្គាល់ពាក្យថាចាញ់នៅ Ligue 1 និងជាម្ចាស់ជើងឯកចាស់ French League Cup បានធ្លាក់ចេញពីកម្មវិធីនេះយ៉ាងគួរឲ្យភ្ញាក់ផ្អើលក្រោយរងបរាជ័យនៅទឹកដីខ្លួនឯង ១-២ ក្រោមស្នាដៃរបស់ Guingamp។
ប្រកួតយប់មិញ Neymar បានស៊ុតបើកឆាក១គ្រាប់មុននៅនាទី ៦៣ ប៉ុន្តែក្រុមភ្ញៀវបានសង២គ្រាប់វិញសុទ្ធសឹងជាបាល់ប៉េណាល់ទីដែលស៊ុតដោយ N'Gbakoto នៅនាទី៨១ និង Marcus Thuram ជាកូនរបស់វីរបុរសបារាំង Lilian នៅចុងម៉ោងនាទី៩០។
នេះគឺជាការបាត់បង់ឱកាសប្រជែងពានលើកដំបូងរបស់ក្រុមយក្សបារាំងបន្ទាប់ពីពួកគេធ្លាប់លើក French League Cup ៤រដូវកាលចុងក្រោយជាប់ៗគ្នា។ ដោយឡែក Monaco របស់ Thierry Henry បានកក់កៅអីវគ្គពាក់កណ្ដាលផ្ដាច់ព្រ័ត្រក្រោយយកឈ្នះ Rennes ដោយបាល់ប៉េណាល់ទីកាត់សេចក្ដី ៨-៧៕