ដលថៃភ្លាម BLACKPINK បើកសន្នីសីទកាសែតភ្លែត ហើយនេះជាបទសម្ភាសទាំងស្រុង
- 2019-01-10 03:56:00
- ចំនួនមតិ 0 | ចំនួនចែករំលែក 0
ដលថៃភ្លាម BLACKPINK បើកសន្នីសីទកាសែតភ្លែត ហើយនេះជាបទសម្ភាសទាំងស្រុង
ចន្លោះមិនឃើញ
ក្រុមចម្រៀង BLACKPINK បានធ្វើដំណើរមកកាន់ប្រទេសថៃដោយសុវត្ថិភាពកាលពីម្សិលមិញ ដោយមានការទទួលស្វាគមន៍ពីសំណាក់ក្រុមអ្នកគាំទ្រជាច្រើន។
ដំណើរមកកាន់ប្រទេសថៃលើកនេះរបស់ BLACKPINK គឺដើម្បីប្រារព្ធការប្រគំតន្ត្រីទេសចរណ៍របស់ខ្លួន BLACKPINK 2019 World Tour [IN YOUR AREA] ក្នុងទីក្រុងបាងកក រយៈពេល ៣ថ្ងៃគឺ ចាប់ពីថ្ងៃទី ១១ ដល់១៣ ខែមករា។ ប៉ុន្តែមុនព្រឹត្តិការណ៍អស្ចារ្យនេះមកដល់ ក្រុមនារីមួយនេះក៏បានចូលរួមក្នុងសន្នីសីទកាសែត ជាកិច្ចស្វាគមន៍អ្នកគាំទ្រទាំងអស់។
ក្នុងបទសម្ភាសមានខ្លឹមសារដូចតទៅ៖
ពិធីករ៖ តើអ្នកមានអារម្មណ៍យ៉ាងដែរ សម្រាប់ការប្រគំតន្ត្រីទេសចរណ៍នេះ?
Lisa៖ ពួកយើងពិតជារំភើបណាស់ ប៉ុន្តែក៏ត្រៀមទុកតាំងពីយូរមកហើយដែរសម្រាប់ឱកាសនេះ ដែលមកជួបអ្នកគាំទ្រថៃ។
ពិធីករ៖ សំបុត្រលក់ដាច់អស់លឿនបំផុត រហូតដល់លក់អស់លឿនទៀតនៅលើកទី៣ តើអ្នកមានអារម្មណ៍យ៉ាងណា?
Jisoo៖ ដំបូង ពេលឮភ្លាម ខ្ញុំពិតជារំភើបស្មានមិនដល់ ហើយរហូតដាក់លក់ជាលើកទី ៣ ស្រាប់តែលក់អស់ទៀត កាន់តែធ្វើឲ្យខ្ញុំមានអារម្មណ៍សប្បាយខ្លាំង ម្យ៉ាងទីនេះក៏ជាទឹកដីកំណើតរបស់ Lisa ផង។
ពិធីករ៖ តើអ្នកមានអារម្មណ៍យ៉ាងណាដែរ សម្រាប់ការប្រគំតន្ត្រីទេសចរណ៍ធំលើកដំបូងរបស់ក្រុម នៅប្រទេសថៃ?
Rosé៖ ខ្ញុំគិតថា វាជាពេលវេលាមានន័យបំផុត ព្រោះនេះគឺជាប្រទេសកំណើតរបស់ Lisa អ៊ីចឹងហើយខ្ញុំពិតជាចង់សម្ដែងនៅទីនេះណាស់។
ពិធីករ៖ ប្រសិនបើមានឱកាសមកកាន់ប្រទេសថៃលើកក្រោយទៀត តើអ្នកចង់ទៅកន្លែងណា?
Rosé៖ Lisa ធ្លាប់និយាយថា នៅ Phuket មានផ្សោតច្រើន អ៊ីចឹងមានអ្នកចង់ទៅច្រើនណាស់។
Jisoo៖ កាលមកថតនៅកោះ Samui យើងធ្លាប់ភ្លក់រសជាតិនំរូទីហើយ ពិតជាឆ្ងាញ់ណាស់ អ៊ីចឹងពួកយើងពិតជាញ៉ាំទៀតឲ្យបានច្រើន។
ពិធីករ៖ ជួយណែនាំបន្តិចបានទេ ពីរបៀបស្លៀកពាក់ដល់អ្នកគាំទ្រនារីៗជនជាតិថៃ?
Jennie៖ ពិបាកបន្តិចក្នុងការជម្រាបជូនពីគន្លឹះនេះ ព្រោះថាមនុស្សម្នាក់ៗមានស្ទីលតែងខ្លួនខុសៗគ្នា ប៉ុន្តែកុំភ័យក្នុងការសាកស្ទីលថ្មីៗអី ដូចជាខោខ្លី សំពត់ខ្លី ឬអ្វីថ្មីៗជាដើម។
ពិធីករ៖ តើអ្នកធ្លាប់បានទស្សនាការសម្ដែងត្រាប់តាមក្រុម របស់ក្មេងតូចៗថៃដែលមានឈ្មោះថា "Deksorkrao” ទេ?
Rosé៖ បានមើលហើយ ហើយពិតជារំភើបចិត្តណាស់ ប្អូនរាំបានល្អខ្លាំងណាស់
Jisoo៖ គ្រប់យ៉ាងល្អបំផុត ហើយទាំងទីកន្លែង និងការតុបតែងខ្លួនក៏ស្រដៀងៗដែរ។
Lisa៖ អូនៗមកពីខេត្ត Buriram ហើយខ្ញុំក៏កើតនៅទីនោះដែរ យើងទាំងអស់គ្នាពិតជាពេញចិត្តណាស់ ដែលឃើញប្អូនៗឆ្លាតបែបនេះ។
ពិធីករ៖ មានឱកាសបានរួមការងារជាមួយនឹងតារាចម្រៀងល្បី Dua Lipa តាមរយៈបទ "Kiss And Make Up” រួចហើយ ហើយលទ្ធផលចេញមកក៏ល្អដែរ ចុះតើពេលនេះក្រុមនឹងមានគម្រោងរួមការងារជាមួយអ្នកណាទៀតទេ?
Jennie៖ ពេលរួមការងារជាមួយ Dua Lipa យើងទាំងអស់ពិតជាសប្បាយចិត្តក្រៃលែង ខ្ញុំក៏សង្ឃឹមថានឹងអាចមានឱកាសចេញបទចម្រៀងជាមួយតារាល្បីផ្សេងទៀត។
ពិធីករ៖ អ្នកណាជាអ្នកដែលចូលចិត្តថតរូបខ្លាំងជាងគេក្នុងក្រុម?
Rosé៖ គ្រប់គ្នាចូលចិត្តថតរូបណាស់ ទាំងឲ្យគេថតឲ្យ ទាំងថតឲ្យគេ។
ពិធីករ៖ តើអ្នកណាដែលងប់នឹងប្រើប្រាស់បណ្ដាញសង្គម (Facebook, Instagram, Twitter...) ជាងគេ?
Jennie៖ យើងទាំងអស់គ្នា លេងច្រើនណាស់សព្វថ្ងៃ ព្រោះយើងចង់បង្កើនភាពជិតស្និទ្ធជាមួយអ្នកគាំទ្រឲ្យបានកាន់តែច្រើន។
ពិធីករ៖ តើមានពាក្យអ្វីនិយាយជូនដល់អ្នកគាំទ្រ ថៃទាំងអស់ទេ?
Lisa៖ នេះគឺជាលើកដំបូង ហើយសង្ឃឹមថាអ្នកគាំទ្រថៃទាំងអស់នឹងមិនអស់ខកចិត្តឡើយ។
Jennie៖ ចាប់តាំងពីនៅជាអ្នកហ្វឹកហាត់ យើងបាននិយាយថាប្រសិនជាមានឱកាស យើងនឹងមកកាន់ប្រទេសថៃ និងមកមើលថាប្រទេសកំណើតរបស់ Lisa ស្អាតយ៉ាងណា? ពេលនេះយើងសប្បាយចិត្ត ដែលបំណងក្លាយជាការពិត។
Rosé៖ មានឱកាសមកប្រគំតន្ត្រីនៅលើទឹកដីកំណើតរបស់ Lisa យើងពិតជាសប្បាយចិត្ត និងមានមោទកភាពណាស់។ តបស្នងនឹងការស្រឡាញ់របស់អ្នកគាំទ្រ យើងនឹងប្រឹងប្រែងធ្វើអ្វីគ្រប់យ៉ាងឲ្យអស់ពីសមត្ថភាព។
Jisoo៖ ពិតជារំភើបនឹងឱកាសនេះណាស់ ប្រទេសថៃពិតជាប្រទេសដ៏កក់ក្ដៅមួយ យើងសប្បាយដែលទទួលបានឱកាសពិសេសដូចពេលនេះ៕