រឹងថ្គាម កណ្ដាស់រាល់ព្រឹកមែន? នេះ ៥ វិធីការពារខ្លួនកុំឲ្យផ្ដាសាយ ក្នុងរដូវរងា
- 2019-01-11 00:00:00
- ចំនួនមតិ 0 | ចំនួនចែករំលែក 0
រឹងថ្គាម កណ្ដាស់រាល់ព្រឹកមែន? នេះ ៥ វិធីការពារខ្លួនកុំឲ្យផ្ដាសាយ ក្នុងរដូវរងា
ចន្លោះមិនឃើញ
គ្រុនផ្ដាសាយមិនមែនជាជំងឺធ្ងន់ធ្ងរទេ តែវាងាយនឹងឆ្លង ឬកើតឡើងចំពោះមនុស្សគ្រប់ប្រភេទ ពិសេសនៅរដូវចុះត្រជាក់បែបនេះតែម្ដង។ រោគសញ្ញានៃជំងឺនេះមានដូចជា ឈឺក្បាល ឈួលច្រមុះ និងឈឺចុកចាប់គ្រប់កន្លែង ពិសេសគឺកណ្ដាស់គ្រប់ពេល ដែលពិតរំខានសម្រាប់ការងារ និងជីវិតប្រចាំថ្ងៃ។ យ៉ាងនេះក្ដី បើអ្នកនឹងពីវិធី ៥ នេះ អ្នកអាចការពារខ្លួនពីជំងឺនេះបាន ក្នុងខែត្រជាក់។
១.ឆ្ពុងចំហាយទឹកក្ដៅមុនពេលគេង
ចំហាយក្ដៅបានរួមចំណែកយ៉ាងច្រើនក្នុងការជួយអ្នកជំងឺផ្ដាសាយ ដោយសារការស្រូបយកចំហាយក្ដៅចូលក្នុងប្រហោងច្រមុះនឹងជួយបើកប្រហោងឆ្អឹង ដែលនឹងធ្វើឲ្យការដង្ហើមកាន់តែងាយស្រួល វិធីនេះត្រូវធ្វើជាច្រើនដង ទម្រាំបានលទ្ធផល។ បើមិនមានពេលឆ្ពុង អ្នកអាចងូត ដើម្បីឲ្យទឹកក្ដៅហូរតាមរយៈរាងកាយ ហើយស្រូបយកចំហាយទឹកហួតផងដែរ។
២. ញ៉ាំស៊ុបក្ដៅ
បរិភោគស៊ុបក្ដៅ ក្នុងអំឡុងពេលត្រជាក់ មិនត្រឹមតែអាហារដែលល្អចំពោះសុខភាពនោះទេ ជួយក៏ជួយឲ្យច្រមុះបើកចំហ។ មានការសិក្សាថា សារធាតុចិញ្ចឹមនៅក្នុងស៊ុប មានផ្ទុកនូវសារធាតុដែលអាចជួយស្តារាងកាយ ដើម្បីអាចទប់ទល់នឹងជំងឺគ្រុនផ្ដាសាយ និងការប្រយុទ្ធប្រឆាំងនឹងជំងឺគ្រុនផ្ដាសាយ។
៣.ផឹកតែរុក្ខជាតិ
ការផឹកទឹកតែក្ដៅៗ អាចជំនួយច្រើនយ៉ាងក្នុងការកាត់បន្ថយអាហារ ឈឺបំពង់ក រំលាយស្លេះ និងជួយបង្ហូរទឹករំអិលឲ្យកាន់តែប្រសើរ។ ប៉ុន្តែក្នុងអំឡុងពេលត្រជាក់ អ្នកជំងឺគួរជៀសវាងផឹកកាហ្វេដែលមានជាតិកាហ្វេអ៊ីន។ ដោយសារតែនៅក្នុងកាហ្វេ អាចធ្វើឲ្យបាត់បង់ជាតិទឹក ឬក៏បណ្ដាលឲ្យគេងមិនលក់។
៤.លាងច្រមុះ
មនុស្សជាច្រើនប្រហែលជាគិតថា ការលាងច្រមុះគឺជាបញ្ហាដ៏គួរឲ្យភ័យខ្លាច។ ប៉ុន្តែការពិតទៅ ការលាងច្រមុះមិនពិបាកដូចដែលអ្នកគិតនោះទេ ហើយក៏អាចជួយបន្ធូរអាការៈតឹងច្រមុះ និងជួយឲ្យខ្យល់ដង្ហើមបរិសុទ្ធ។
៥.គេងខ្នើយខ្ពស់ៗ
នៅពេលអ្នកគេងនៅលើខ្នើយខ្ពស់ ហើយទន់ល្មើយ នឹងជួយឲ្យអ្នកគេងបានយ៉ាងល្អដោយមិនភ្ញាក់ឡើងនៅពាក់កណ្ដាលយប់៕