សន្សំលុយបណ្តើរៗទៅ! Galaxy F តម្លៃដល់ ២ ពាន់ដុល្លារត្រៀមដាក់លក់ពាក់កណ្តាលឆ្នាំនេះ

2019-01-10 12:23:59
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចេញផ្សាយនូវបច្ចេកវិទ្យាអេក្រង់និងផ្ទៃកម្មវិធី UI មួយចំនួននៃស្មាតហ្វូនបត់បានរបស់ខ្លួនកាលពីខែវិច្ឆិកាឆ្នាំទៅ មកទល់ពេលថ្មីៗនេះក្រុមហ៊ុន Samsung ក៏ត្រូវគេរាយការណ៍ថានឹងដាក់លក់ត្រកូល Galaxy F ជាផ្លូវការនាពាក់កណ្តាលឆ្នាំ ២០១៩។

ដោយមានឈ្មោះល្បីតាមគ្នាថាជា Galaxy Fold និង Galaxy Flex ស្មាតហ្វូនរចនាបថថ្មីស្រឡាងរបស់ក្រុមហ៊ុនយក្សកូរ៉េខាងត្បូងមានចចាមអារ៉ាមថាអាចថ្លៃលើសគូប្រជែង iPhone សេរ៊ីក្រោយ ពោលគឺមានតម្លៃចន្លោះពី ១ ៥០០ ទៅ ២ ០០០ ដុល្លារ ឯណោះ។

ថ្លែងបញ្ជាក់ប្រាប់សារព័ត៌មាន DigitalTrends ប្រធានផ្នែកទីផ្សារនិងយុទ្ធសាស្រ្តផលិតផលរបស់ Samsung លោក Suzanne de Silva បង្ហើបថាស្មាតហ្វូនបត់បាននឹងមានចរាចរក្នុងទីផ្សារនៅពាក់កណ្តាលឆ្នាំ ២០១៩ តែមិនបង្ហើបច្បាស់ពីកាលបរិច្ឆេទជាក់លាក់នៃការចេញផ្សាយនោះឡើយ។

នេះនឹងក្លាយជាឆ្នាំដំបូងសម្រាប់ Samsung ក្នុងការបញ្ចេញស្មាតហ្វូនជំនាន់ខ្ពស់ផុតលេខច្រើនជាង ២ ម៉ូឌែលពោលគឺក្រៅពី Galaxy S10 ដែលត្រៀមប្រកាសនាខែមិនា ជាមួយ Galaxy Note 10 នាខែសីហា ទៀតសោតក៏រំពឹងនាមាន Galaxy F នាខែមិថុនាថែមទៀតផង។