ចិនបោះទុនជាង១ពាន់លានដុល្លារ សង់កន្លែងកម្សាន្ត និងពាណិជ្ជកម្មដ៏ធំសម្បើម១ នៅកោះកុង
- 2019-01-11 09:45:00
- ចំនួនមតិ 0 | ចំនួនចែករំលែក 0
ចិនបោះទុនជាង១ពាន់លានដុល្លារ សង់កន្លែងកម្សាន្ត និងពាណិជ្ជកម្មដ៏ធំសម្បើម១ នៅកោះកុង
ចន្លោះមិនឃើញ
ដោយមើលឃើញពីសក្ដានុពលលើវិស័យទេសចរណ៍ អ្នកវិនិយោគចិនបានសម្រេចបោះទុនប្រមាណជា ១៩០០លានដុល្លារ ដើម្បីសាងសង់គម្រោង TEMI នៅក្នុងទឹកដីខេត្តកោះកុង។
គម្រោងTEMIស្ថិតក្នុងផ្ទៃដីប្រមាណ ២៥០០ហិកតា ដែលគម្រោង TEMI បានមកពីពាក្យកាត់ ជាអក្សរអង់គ្លេសទេសចរណ៍ (T-Tourism) ផ្នែកអេកូឡូស៊ី (E-Ecological) សមុទ្រ (M-Marine) និង អន្តរជាតិ(I-International) ដោយបែងចែកជា ៣ដំណាក់កាលធ្វើការសាងសង់។
គម្រោង TEMI គឺជាគម្រោងសំខាន់មួយរបស់គម្រោងតារាសាគរដែលមានទំហំដី ៣ម៉ឺន៦ពាន់ហិកតា ហើយមានទីតាំងស្ថិតនៅស្រុកបុទុមសាគរ ខេត្តកោះកុង ចម្ងាយពីភ្នំពេញ ២៦០គីឡូម៉ែត្រ និង៥០គីឡូពីកំពង់សោម តាមផ្លូវទឹកដែលបានដាក់សម្ពោធសាងសង់នាពេលកន្លងមក។
នាយកទីផ្សារគម្រោង TEMI កញ្ញា Lin Wang បានឲ្យដឹងក្នុងពិធីបង្ហាញ គម្រោងកាលពីរសៀលថ្ងៃទី១០ ខែមករា ឆ្នាំ២០១៩ ថាក្រុមហ៊ុនបន្តវិនិយោគបន្ថែមចំនួន ១៩០០លានដុល្លារទៀត ក្នុងគម្រោងនេះ ដោយមានសាងសង់ជាកន្លែងជិះអូប័រកម្សាន្ត ទីលានវាយកូនហ្គោល ទីកន្លែងសម្រាកលំហែកាយ តំបន់ពាណិជ្ជកម្ម ក្លឹបកម្សាន្ត រួមបញ្ចូលគ្នា។
កញ្ញាបន្ថែមថា ផលិតផលដាក់បង្ហាញ គឺទីក្រុងធីមី (TEMI) ស្ថិតនៅចំបេះដូងនៃតំបន់ តារាសាគរទាំងមូល មានលក្ខណៈ ជាវីឡារីសត អូប័រទេសចរណ៍ ទូកកម្សាន្ត ។
គម្រោងដែលវិនិយោគ ១៩០០លានដុល្លារ គ្របដណ្ដប់លើផ្ទៃដីប្រមាណ ២៥០០ហិកតា ។ គម្រោងនេះ មានរយៈពេល១០ឆ្នាំ ហើយនៅពេលសាងសង់រួចទីក្រុងនឹងអាចផ្ទុកមនុស្សបាន៣០ម៉ឺននាក់។ បច្ចុប្បន្នទីក្រុងនេះ កំពុងសាងសង់ដែលនឹងចេញជារូបរាង ជាផ្ទះគំរូក្នុងរយៈពេលប៉ុន្មានខែក្រោយ។
សូមជម្រាបថា ក្រុមហ៊ុន Union City Development Group Co.,Ltd និងក្រុមហ៊ុន Tianjin Intellectual Capital Investment Media Co.,Ltdកាលពីថ្ងៃទី១០ខែមករាឆ្នាំ២០១៩កន្លងមកនេះបានរៀបចំកម្មវិធីសម្ពោធគម្រោង TEMI ជាលក្ខណៈសាកលជាលើកដំបូងនៅមជ្ឈមណ្ឌល P.G.C.T យ៉ាងជោគជ័យ៕