Lovren ត្រូវបានពិន័យដោយ UEFA ក្រោយពីការផុសវីដេអូប្រមាថក្រុមជម្រើសជាតិអេស្ប៉ាញ
- 2019-01-11 12:38:32
- ចំនួនមតិ 0 | ចំនួនចែករំលែក 0
Lovren ត្រូវបានពិន័យដោយ UEFA ក្រោយពីការផុសវីដេអូប្រមាថក្រុមជម្រើសជាតិអេស្ប៉ាញ
ចន្លោះមិនឃើញ
សហភាពបាល់ទាត់អឺរ៉ុបហៅកាត់ថា UEFA បានពិន័យខ្សែការពារក្រូអាត Dejan Lovren ដោយហាមមិនឲ្យចូលលេងក្នុងប្រកួតរវាងក្រុមជម្រើសជាតិក្រូអាត និង អាហ្សេបៃហ្សង់ដែលជាប្រកួតបើកឆកនៃវគ្គជម្រុះ Euro 2020 នៅខែមីនា ដោយសារការផុសវីដេអូប្រមាថអេស្ប៉ាញកាលពីខែវិច្ឆិកាកន្លងទៅ។
ក្នុងវីដេអូ Instagram នោះ Lovren បានអួតពីការដែលខ្លួនបានអុកខ្សែការពារ Real Madrid កីឡាករ Sergio Ramos មួយកែងដៃ និង និយាយប្រមាថក្រុមអេស្ប៉ាញក្រោយការប្រកួតរវាងក្រូអាត និង អេស្ប៉ាញ ដែលពេលនោះក្រូអាតបានឈ្នះក្នុងលទ្ធផល ៣-២។
Lovren ក្រោយការប្រកួតនោះក៏បាននិយាយប្រាប់អ្នកសារព័ត៌មានថា ក្រុមអេស្ប៉ាញជាក្រុមឈ្លើយលើទីលាន និង ជាអ្នកចាញ់ដ៏អន់មួយ។
ក្នុងក្រុមជម្រើសជាតិក្រូអាត Dejan Lovren បានបង្ហាញខ្លួនបាន ៤៦ដង និង រកគ្រាប់បាល់បាន ២គ្រាប់តាំងពីឆ្នាំ ២០០៩មក។ វិដេអូរបស់ Lovren ដែលបានប្រមាថក្រុមអេស្ប៉ាញ៖៕