ក្រុមកម្ពុជា Klach Ey ឡើងវគ្គផ្តាច់ព្រ័ត្រជួបក្រុមម៉ាឡេស៊ីពាន MATIC 2019

2019-01-13 10:05:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងនាមជាម្ចាស់ផ្ទះ ក្រុមខ្លាំងរបស់កម្ពុជា Klach Ey បានឡើងទៅកាន់វគ្គផ្តាច់ព្រ័ត្រដើម្បីប្រជែងយកជើងឯកពានរង្វាន់អន្តរជាតិ MATIC 2019 បន្ទាប់ពីធ្វើបានយ៉ាងល្អក្នុងវគ្គវិលជុំសន្សំពិន្ទុ។

ពានរង្វាន់ MATIC

ព្រឹត្តិការណ៍ MATIC 2019 មាន៤ប្រទេសចូលរួមប្រកួតគឺម្ចាស់ផ្ទះកម្ពុជាក្រុម Klach Ey ដែលទើបឈ្នះជើងឯកទូទាំងប្រទេសកាលពីថ្ងៃសៅរ៍ ម្សិលមិញ។ ប្រទេសចិនបានបញ្ជូនក្រុម Ali Huaye ប្រទេសថៃបញ្ជូនក្រុម Safety First និងប្រទេសម៉ាឡេស៊ីបញ្ជូនក្រុម Suicide។

រូបមន្តនៃការប្រកួតត្រូវធ្វើឡើងវគ្គសន្សំពិន្ទុសម្រាប់ជុំដំបូងគឺក្រុមទាំង៤ត្រូវប៉ះគ្នាទាំងអស់។ ក្រុមដែលទទួលបានពិន្ទុខ្ពស់ជាងគេ២គឺលេខ១ និងលេខ២ត្រូវឡើងទៅប្រកួតវគ្គផ្តាច់ព្រ័ត្រតែម្តងដើម្បីស្វែងរកក្រុមជើងឯកពានអន្តរជាតិនេះ។

សម្រាប់៣ប្រកួតក្នុងវគ្គវិលជុំសន្សំពិន្ទុ ក្រុមរបស់កម្ពុជាបានក្លាយជាក្រុមឈរចំណាត់ថ្នាក់លេខ១ បន្ទាប់ពីឈ្នះក្រុមម៉ាឡេស៊ី Suicide ដោយលទ្ធផល ៣-០, ឈ្នះក្រុមថៃ Safety First ដោយលទ្ធផល ៣-១ និងបន្តឈ្នះក្រុមចិន Ali Huaye ដោយលទ្ធផល ៣-០។ ចំណែកចំណាត់ថ្នាក់លេខ២បានទៅក្រុមម៉ាឡេស៊ី Suicide ដោយឈ្នះ២ប្រកួត និងចាញ់១ប្រកួត។ ចំណែកក្រុមចិន និងថៃបានធ្លាក់

លទ្ធផលនៃប្រកួតវិលជុំសន្សំពិន្ទុ

ក្រុមថៃ Safety First ៣-១ ក្រុមចិន Ali Huaye
ក្រុមកម្ពុជា Klach Ey ៣-០ ក្រុមម៉ាឡេស៊ី Suicide
ក្រុមកម្ពុជា Klach Ey ៣-១ ក្រុមថៃ Safety First
ក្រុមម៉ាឡេស៊ី Suicide ៣-១ ក្រុមចិន Ali Huaye
ក្រុមថៃ Safety First ១–៣ ក្រុមម៉ាឡេស៊ី Suicide
ក្រុមកម្ពុជា Klach Ey ៣–២ ក្រុម Ali Huaye

ប្រកួតវគ្គផ្តាច់ព្រ័ត្រ

ក្រុមកម្ពុជា Klach Ey vs ក្រុមម៉ាឡេស៊ី Suicide

សហព័ន្ធកីឡាអេឡិចត្រូនិកកម្ពុជា និង Sabay ជាអ្នករៀបចំការប្រកួតនេះដែលទទួលបានការអនុញ្ញាតពីគណៈកម្មាធិការជាតិអូឡាំពិកកម្ពុជា (NOCC) ដោយមានការចូលរួមឧបត្ថម្ភពីក្រុមហ៊ុនទូរសព្ទ Huawei ទូរទស្សន៍ MYTV ផ្សារទំនើប AEON Mall និងក្លឹបកីឡាអេឡិចត្រូនិក MCT E-Sport Cambodia។