Tiger Street Football Festival 2019 នៅតាកែវរកឃើញជើងខ្លាំងដោយគ្មានកាតសូម្បី១

2019-01-13 12:32:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់ព្រឹត្តិការណ៍ Tiger Street Football Festival 2019 សម្រាប់មណ្ឌលខេត្តតាកែវបានរកឃើញជើងខ្លាំងចំនួន ៤ ក្រុមឡើងទៅប្រកួតដំណាក់កាលផ្ដាច់ព្រ័ត្រនៅភ្នំពេញហើយ បន្ទាប់ពីប្រកួតយ៉ាងស្វិតស្វាញ ពិសេសអាជ្ញាកណ្ដាលមិនបានចំណាយកាតសូម្បី១។

លទ្ធផលដណ្ដើមចំណាត់ថ្នាក់លេខ ៣ ៖

CTB ( B ) ៥-២ ភូមិស្នោ (FC)

លទ្ធផលដណ្ដើមលេខ១

យានដ្ឋានសំណាង ( ១ ) ៣-២ ក្លឹបកីឡាដូនកែវ A

ក្រុមជយលាភីប្រចាំមណ្ឌលខេត្តតាកែវមាន៖

លេខ១ បានទៅលើក្រុម យានដ្ឋានសំណាង( ១)
លេខ២ បានទៅលើក្រុម ក្លឹបកីឡាដូនកែវ A
លេខ៣ បានទៅលើក្រុម CTB ( B )
លេខ៤ បានទៅលើភូមិស្នោ ( FC )

មណ្ឌលនេះត្រូវបានគេមើលឃើញថា លេងដោយ Fair Play ពោលគឺអាជ្ញាកណ្ដាលមិនបានចាយកាតសូម្បីតែកាតមួយសន្លឹកឡើយ។ ស្របពេលកាលមណ្ឌលទី១ នៅកំពង់សោមគឺមានកាតលឿងចំនួន១។ សម្រាប់ការប្រកួតដំណាក់កាលផ្ដាច់ព្រ័ត្រ នឹងធ្វើឡើងនៅភ្នំពេញក្នុងថ្ងៃទី១៦-១៧ ខែមីនា ឆ្នាំ២០១៩។

កាន់តែពិសេសសម្រាប់រាត្រីនេះក៏មានការប្រគំតន្រ្តី ដែលមានការចូលរួមដោយតារាចម្រៀងល្បីៗ របស់ផលិតកម្ម ហង្សមាស ដូចជាលោក ព្រាប សុវត្តិ កញ្ញា ឱក សុគន្ធកញ្ញា កញ្ញា វីឌីណែត លោក ដួង វីរៈសិទ្ធ លោក ឃុន វុត្ថា និង DJ Maily ជាដើម។ ការប្រគំតន្ត្រីនេះមានការផ្សាយផ្ទាល់តាមរយៈទូរទស្សន៍រស្មីហង្សមាស។

ជយលាភីប្រចាំមណ្ឌលខេត្តតាកែវ៖

ក្រុមលេខ១៖ ១ ០០០ ដុល្លារអាមេរិក
ក្រុមលេខ២៖ ៧០០ ដុល្លារអាមេរិក
ក្រុមលេខ៣៖ ៣៥០ ដុល្លារអាមេរិក
ក្រុមលេខ៤៖ ១៥០ ដុល្លារអាមេរិក

ក្រុមជយលាភីទូទាំងប្រទេស

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅខេត្តតាកែវមាន៖

មណ្ឌល ខេត្តកំពង់ស្ពឺ ៖ មណ្ឌលនេះក្រុមខេត្តកំពង់ស្ពឺ ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២០ ខែមករា។
មណ្ឌល ខេត្តបាត់ដំបង ៖ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២៦ ២៧ ខែមករា។
មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។ ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។