ព្រឹត្តិការណ៍ Toyota Junior Cambodia Cup 2018 នឹងដំណើរចុងសប្ដាហ៍ក្រោយ

2019-01-13 14:01:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ Toyota Junior Cambodia Cup 2018 នឹងចាប់ផ្ដើមដំណើរការប្រកួតនៅថ្ងៃទី១៩-២០ ខែមករា ឆ្នាំ២០១៩ ចុងសប្ដាហ៍នេះនៅសាលា AUPP ។

ការប្រកួតព្រឹត្តិការណ៍ខាងលើមានសាលាចូលរួមចំនួន ២៤ ដែលត្រូវបានបែងចែកជា ៤ ពូល ដែលត្រូវធ្វើការប្រកួតជម្រុះ ដើម្បីស្វែងរកសាលាចំនួន ១២ ឡើងទៅប្រកួតដំណាក់កាលផ្ដាច់ព្រ័ត្រនៅថ្ងៃទី ២៧ ខែមករា ឆ្នាំ២០១៩ នៅពហុកីឡដ្ឋានជាតិអូឡាំពិក។

ការប្រកួតព្រឹត្តិការណ៍នេះបង្កើត ក្នុងគោលបំណងបណ្ដុះ កុមារកម្ពុជា ឲ្យស្រលាញ់វិស័យកីឡាបាល់ទាត់។ ក្រុមការងាររៀបចំព្រឹត្តិការណ៍នេះបានដំណើរការរួចរាល់ទៅលើសាលាចំនួន ២៤ ដែលបានធ្វើ Football Clinics សិស្សចំនួន ៥៦២ នាក់ផងដែរ។ សម្រាប់ឆ្នាំនេះព្រឹត្តិការណ៍ខាងលើ នឹងរៀបចំចំនួន ៤ លើក ដែលទទួលការគាំទ្រ ដោយក្រសួងអប់រំយុវជន និងកីឡា។

សាលាដែលចូលរួមមាន សាលាបឋមសិក្សាឫស្សីកែវ, សាលាបឋមសិក្សា ចម្រើនជាតិ, សាលាបឋមសិក្សា Sakura , សាលាបឋមសិក្សា បាក់ទូក, សាលាបឋមសិក្សា ចតុមុខ, សាលាបឋមសិក្សា ទួលស្វាយព្រៃ, សាលាបឋមសិក្សា នរោត្ដម, សាលាបឋមសិក្សា ទូលស្លែង, សាលាបឋមសិក្សា វត្តិព្រះពុទ្ធ , សាលាបឋមសិក្សា សំពៅមាស , សាលា Westline (ផ្សារតូច), សាលា Modern អន្តរជាតិ, សាលា American Intercon , សាលា Janesana , សាលាអន្តរជាតិ CIA ១ , សាលា Westline ភ្នំពេញថ្មី, សាលាអន្តរជាតិសិង្ហបុរី, សាលាសុវណ្ណភូមិ, សាលាអន្តរជាតិ New Gateway, សាលា Northline, Hiroshima House និង មជ្ឈមណ្ឌល AI ៕