United មានឱកាសកើបពិន្ទុច្រើនទៀតនៅលីគមុនទៅជួបគីឡូធ្ងន់ PSG

2019-01-15 07:59:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester United កំពុងឆ្ពោះទៅមុខយ៉ាងរលូនក្រោមការដឹកនាំរបស់អ្នកចាត់ការថ្មី Ole Gunnar Solskjaer ក្នុងនោះ៦ប្រកួតកន្លងមកឈ្នះទាំង៦។

ក្រុមបិសាចក្រហមរកបាន១៥ពិន្ទុពេញពី៥ប្រកួតនៅលីគយកឈ្នះលើ Cardiff City, Huddersfield, Bournemouth, Newcastle និងចុងក្រោយគឺ Tottenham Hotspur។ នៅ FA Cup វិញពួកគេបានផ្ដួល Reading ២-០ ដើម្បីកក់កៅអីជុំទី៤។ សរុប៦ប្រកួតកន្លងមក United ស៊ុតបញ្ចូលទីបាន ១៧គ្រាប់ និងរបូតត្រឹម ៤គ្រាប់ប៉ុណ្ណោះ។

ក្រោយឆ្លងកាត់ឧបសគ្គដ៏ធំគឺ Spurs រួចមកក្រុមលោក Solskjaer មានឱកាសឈ្នះបន្តទៀតនៅប្រកួតបន្តដូចជាត្រូវប៉ះ Brighton, Burnley, Leicester និង Fulham នៅលីគ ហើយប៉ះ Arsenal ក្រៅទឹកដីនៅ FA Cup មុនបន្តប៉ះគីឡូធ្ងន់ Paris Saint Germain សម្រាប់វគ្គ១៦ក្រុមចុងក្រោយ UEFA Champions League។

ទោះបច្ចុប្បន្នបិសាចក្រហមកំពុងស្ថិតនៅលេខ៦មែនប៉ុន្តែពួកគេមានពិន្ទុ៤១ពិន្ទុស្មើគ្នាជាមួយលេខ៥ Arsenal និងចាញ់ក្រុមលេខ៤ Chelsea ចំនួន៦ពិន្ទុដូច្នេះបើពួកគេធ្វើបានល្អនៅប្រកួតខាងលើ United នឹងមានឱកាសបន្តទៅប្រជែងតំណែង Top 4 ជាក់ជាមិនខាន៕