សឿត បារាំង ប្រាប់ពីសម្ដីមាសរបស់ Leonardo ធ្វើឱ្យកីឡាកររត់ដាច់ជើងចោល

2019-01-16 02:52:42
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Leonardo បានក្លាយជាគ្រូបង្វឹករបស់ក្លឹបភ្នំពេញក្រោន ហើយធ្វើឱ្យអ្នកគាំទ្រនិងកីឡាករទាំងអស់មានអារម្មណ៍ពេញចិត្តយ៉ាងខ្លាំងចំពោះគ្រូប្រេស៊ីលរូបនេះ។

រូបភាព៖ Phnom Penh Crown

ជាក់ស្ដែង សឿត បារាំង ខ្សែការពារស្លាបវ័យក្មេងម្នាក់របស់ក្រុមភ្នំពេញក្រោន បានបញ្ជាក់ថាក្រោមការដឹកនាំរបស់គ្រូប្រេស៊ីលរូបនេះ គឺក្រុមមានការរីកចម្រើនច្រើនទាំងបច្ចេកទេស និងចិត្តសាស្ត្រ។ ជាក់ស្ដែង ត្រឹមពេលប៉ុន្មានខែក្រុមទាំងមូលលេងបានយ៉ាងល្អ និងយល់ចិត្តគ្នាច្រើន បើទោះជាកីឡាករមួយចំនួនជាយុវជនក៏ដោយ។

“រាល់ថ្ងៃ យើងខំប្រឹងហាត់ខ្លាំងណាស់ ដើម្បីធ្វើយ៉ាងណាលេងឱ្យល្អនិងយល់ចិត្តគ្នា។ មួយវិញទៀត Leo តែងតែប្រាប់កីឡាករថារាល់ប្រកួតគឺត្រូវតែឈ្នះ កីឡាករចង់ឈ្នះ គ្រូចង់ឈ្នះ ហើយអ្នកគាំទ្រវិញរឹតតែចង់ឱ្យក្រុមឈ្នះថែមទៀត។ សម្ដីនេះ ធ្វើឱ្យកីឡាករទាំងអស់មានអារម្មណ៍ប្ដេជ្ញា និងលេងមិនខ្លាចហត់ឡើយ។ វាជាកម្លាំងចិត្តដ៏ធំសម្រាប់ពួកយើង។ លេងដើម្បីក្លឹបរបស់យើង និងលេងដើម្បីអ្នកគាំទ្ររបស់យើង”។ សឿត បារាំង និយាយពីពាក្យដែល Leo តែងផ្ដាំកីឡាករ។

ក្នុងការដឹកនាំក្រុមភ្នំពេញក្រោននេះដែរ លោក Leo បានប្រាប់ទៅអ្នកគាំទ្រថាលោកនឹងនាំក្រោនត្រលប់ទៅរកភាពខ្លាំងវិញ ហើយប្រសិនណាទទួលបានលទ្ធផលមិនល្អទេ លោកនឹងចាកចេញដោយខ្លួនឯង។ អ្វីដែលកាន់តែខ្លាំងទៀតនោះ គឺអតីតគ្រូបង្វឹកជម្រើសជាតិកម្ពុជានេះ ផ្ដាំទៅកីឡាករថាកុំទុកខ្លួនជា Idol អ្វីឡើយ ត្រូវប្រឹងប្រែងហ្វឹកហាត់ ដើម្បីទទួលបានភាពជោគជ័យសិនទៅ៕

អត្ថបទ៖ មុន្នីរម្យ