ធ្លាយព័ត៌មាន ឆាយ វីរៈយុទ្ធ លួចទៅវិនិយោគ នៅកំពង់សោមស្ងាត់ៗ ជាមួយទុនយ៉ាងសម្បើម!
- 2019-01-16 07:42:52
- ចំនួនមតិ 0 | ចំនួនចែករំលែក 0
ធ្លាយព័ត៌មាន ឆាយ វីរៈយុទ្ធ លួចទៅវិនិយោគ នៅកំពង់សោមស្ងាត់ៗ ជាមួយទុនយ៉ាងសម្បើម!
ចន្លោះមិនឃើញ
បើតាមប្រភពជិតស្និទ្ធរបស់តារាចម្រៀង ឆាយ វីរៈយុទ្ធ បានបញ្ជាក់ប្រាប់ Sabay ថាតារារូបនេះកំពុងតែរកស៊ីដីនៅខេត្តព្រះសីហនុ ប៉ុន្តែមិនទាន់ប្រកាសជាសាធារណៈផ្លូវការ។ ប្រភពដដែលនេះក៏បានបញ្ជាក់ថាគម្រោងនេះ មានទំហំដីប្រមាណដល់ទៅ១០ហិកតាឯណោះ ចំពោះឯតម្លៃវិញគឺដល់ខ្ទង់លានដុល្លារ។
នេះគឺជាមហិច្ឆតាថ្មីមួយរបស់តារាចម្រៀងល្បីឈ្មោះ ដែលមានទេពកោសល្យទាំងច្រៀងនិងនិពន្ធ ដោយកាលពីឆ្នាំមុនលោកក៏មានគម្រោងពាក់ព័ន្ធជំនួញផ្សេងៗជាហូរហែផងដែរ រហូតដល់ឆ្នាំនេះលោកក៏ប្រឡូកចូលវិស័យជំនួញដីឡូត៍តែម្ដងមិនឲ្យចាញ់តារាល្បីៗផ្សេងៗទៀត។
ប៉ុន្មានឆ្នាំចុងក្រោយមកនេះ គេសង្កេតឃើញថាតារាល្បីៗជាច្រើនដូចជា ព្រាប សុវត្ថិ អីណូ ឡេង ស៊ីណាវ៉ាត្រា និង លី ច័ន្ទសីហា ជាដើមសុទ្ធតែប្រឡូកក្នុងវិស័យរកស៊ីដីឡូត៍នេះ។ បើតាមប្រភពដដែលនេះបញ្ជាក់ទៀតថា គម្រោងនេះក៏មានការសហការចូលរួមជាមួយអ្នកនាង ខាត់ សុឃីម ផងដែរ ប៉ុន្តែសម្រាប់ព័ត៌មាននេះគឺមិនទាន់ច្បាស់ការនៅឡើយ ដោយសារមិនអាចទាក់ទងអ្នកនាងបានដើម្បីបំភ្លឺ។ អីចឹងមានតែចាំមើលទាំងអស់គ្នា ថាតើគម្រោងនេះគឺជាគម្រោងធំមួយឬមានលក្ខណៈពិសេសយ៉ាងណា៕