បញ្ចប់បញ្ហាភ្ជាប់ Wi-Fi មិនដំណើរការលើ iPhone

2019-01-17 06:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ iPhone ប្រើប្រព័ន្ធប្រតិបត្តិការក្រោម iOS 12 ប្រហែលធ្លាប់ជួបបញ្ហាភ្ជាប់បណ្ដាញ Wi-Fi មិនសូវរលូនល្អ។ នេះអាចមកពី iPhone ឬ Router ប៉ុន្តែបើសម្គាល់ឃើញថាឧបករណ៍មួយផ្សេងទៀតអាចភ្ជាប់ប្រើបានធម្មតា ប្រាកដណាស់មកពី iPhone។

មានពីរវិធី អាចដោះស្រាយបានដោយ ភ្ជាប់បណ្ដាញ Wi-Fi សារជាថ្មី ឬ Reset Network Setting ទៅទម្រង់ដើមវិញ។

#១) ចូលទៅកាន់ Settings > Wi-Fi > ចុចលើប៊ូតុងអក្សរ i ក្បែរនឹងឈ្មោះបណ្ដាញ Wi-Fi។

ពេលចុចលើនោះ នឹងបើកផ្ទាំងថ្មីមួយ មានជម្រើស Forget This Network នៅផ្នែកខាងលើ។ ចុចលើជម្រើសនោះ នឹងលុបចោលបណ្ដាញបានភ្ជាប់ សម្អាតការចងចាំពាក្យសម្ងាត់ និងមិនព្យាយាមភ្ជាប់បណ្ដាញនោះម្តងទៀតទេ។

ក្រោយមក អាចភ្ជាប់បណ្ដាញនោះម្តងទៀត វាយបញ្ចូលពាក្យសម្ងាត់សារជាថ្មី។ វិធីនេះ អាចដោះស្រាយលើបញ្ហានេះភាគច្រើន។

#២) ចូលទៅកាន់ Settings > ចុចយក General > អូសចុះក្រោម និងចុចយកជម្រើស Reset។ ក្រោយចុចយក នឹងមានជម្រើសមុខងារមួយចំនួនបែងចែកជាបីក្រុម អាចចុចយកជម្រើសនៅចំណុចកណ្តាលពោលគឺ Reset Network Settings។

ធ្វើការបញ្ចូលពាក្យសម្ងាត់ ត្រង់នេះមិនអាចប្រើ Touch ID ឬ Face ID បានទេ។ ក្រោយមកនឹងមានជម្រើសមួយបង្ហាញពណ៌ក្រហម Reset Network Settings អាចចុចយកបាន។ រង់ចាំបន្តិច ឲ្យប្រព័ន្ធដំណើរការ និងធ្វើការបិទបើកទូរសព្ទ៕